Биэс уон бастыҥ үлэһит Ил Дархан “Үлэ киһитэ” бириэмийэтин тутта

Бүгүн Дьокуускайга Ю.А.Гагарин аатынан Култуура уонна аныгы искусство киинигэр үөрүүлээх бэлиэ түгэн буолан ааста. Ол курдук, бүгүн манна Саха Өрөспүүбүлүкэтигэр Үлэ сылынан туруу үлэһиттэри чиэстээһин сиэрэ-туома ыытылынна.

Бырааһынньыктыы киэргэммит сценаҕа өрөспүүбүлүкэ араас эйгэлэригэр таһаарыылаахтык үлэлиир биэс уон үлэһити ыҥыран таһаардылар. Кинилэр икки эрээтинэн бэрт дьоһуннаахтык олорбуттарын кэннэ Саха Өрөспүүбүлүкэтин Ил Дархана Айсен Николаев “Үлэ киһитэ” СӨ Ил Дарханын бириэмийэтин ылаары уонна саалаҕа олорор дьоҥҥо туһаайан Үлэ сылын суолтатын чопчулаан тыл эттэ. Кини бу хаһааҥҥытааҕар даҕаны уустук кэмҥэ таһаарыылаах үлэ уонна чулуу үлэһит дьон ордук суолталаммыттарын бэлиэтээтэ. Үлэ уонна Эйэ бырааһынньыгын ыам ыйын 1 күнүн көрсө сыл аайы маннык бириэмийэ бастыҥ үлэһиттэргэ туттарыллыаҕа. Олус истиҥник эҕэрдэлээн туран, Айсен Сергеевич бу номинация кыайыылаахтарыгар бириэмийэлэри үөрүүлээх быһыыга-майгыга туттарда. Хас бириэмийэ ыла тахсыбыт киһи аайы ытыс тыаһа хабыллан олордо. Кинилэр кимнээҕий?

Афанасьева Татьяна Петровна — Өлүөхүмэ киин балыыһатын биэлсэрэ.

Билюкин Сарыал Константинович,  урбаанньыт уонна уус.

Бруев Игорь Александрович,   «Колмар» өрөмүөннүүр-производственнай базатын токара.

Варламов Константин Константинович, “Намкоммунтеплоэнерго” аахсыйалаах уопсастыба силиэсэрэ.

Васильева Марина Семеновна, “Хорообут” ХЭТ пиэрмэтин ыанньыксыта.

Васильева Туяра Афанасьевна, Мэҥэ Хаҥалас улууһун социальнай үлэһитэ

Винокуров Николай Романович, Саха Өрөспүүбүлүкэтин сыаннастарын судаарыстыбаннай хранилищетын пуондатын харайааччыта.

Власова Галина Александровна, Василий Иванович Кононов аатынан Капитоновкатааҕы кырдьаҕастар уонна инбэлииттэр дьиэлэрин мэдиссиинискэй сиэстэрэтэ.

Гацуляк Галина Ивановна, “Теплоэнергосервис” Бүлүтээҕи филиалын электросилиэсэрэ

Герасимов Алексей Петрович, “Фермер-Ас” (“Бэйэ аҺа”) бааһынай хаһаайыстыба баһылыга

Долгунова Евдокия Степановна, Амматааҕы киин балыыһа акушер-гинеколог бырааһа.

Дубиков Алексей Александрович, “Якутцемент” производственнай холбоһукначаалынньыга.

Егоров Василий Серафимович, Ленскэйдээҕи сылаас уонна уот ситимин элеткромонтера

Егоров Шмидт Шмидтович, СӨ “ОДЬКХ” ГУП Сунтаардааҕы филиалын Күүкэй учаастагын электросварщига.

Егорова Алиса Васильевна, Ньурбатааҕы оҕо искусствотын  оскуолатын преподавателэ.

Ермолаев Юрий Прокопьевич, “Кэҥкэмэ” уонна  “Песчаная гора” турбазалар дириэктэрдэрэ

Ефремов Валентин Акимович, “Якутлесресурс” Ньурбатааҕы филиалын тырахтарыыһа.

Жирков Николай Николаевич, Юрий Алексеевич Гагарин аатынан типография печатнига.

Захаров Алексей Прокопьевич, “Мегинострой” кэпэрэтиип тутааччыта.

Захаров Иннокентий Гаврильевич, “Якутпромстрой” болуотунньуга.

Иванов Алквиад Иванович, Дьокуускайдааҕы өрөспүүбүлүкэтээҕи клиническэй балыыһа кылаабынай медбрата.

Коковин Юрий Николаевич, “Индустрия Севера” хаһыат анал кэрэспэдьиэнэ.

Колодезникова Александра Арсеньевна, Петр Иванович Дудкин аатынан Дьокуускайдааҕы сибээс уонна энергетига кэллиэһин методиһа.

Комаров Сергей Серафимович, “Сахаэнерго»” Зырянкатааҕы ыстаансыйатын силиэсэрэ

Константинов Николай Элляевич, успуорт тириэньэрэ.

Кусеубаев Серикбай Бралевич, “Саха сирин тимир суолларын” суол маастара

Кюлаотс Меэта Матиевна, Хаҥаластааҕы дьиэ кэргэҥҥэ көмөлөһөр киин иитээччитэ.

Лугинова Людмила Дмитриевна, медико-социальнай эспэртиисэ бырааһа.

Маркова Ариада Анатольевна, “Булуус” бааһынай хаһаайыстыба баһылыга.

Неустроева Прасковья Васильевна, Уус Маайа Култуура киинин сэбиэдиссэйэ.

Нечаев Юрий Федорович, “Полярные авиалинии” хампаанньа инженерэ.

Павлов Александр Спартакович, “Автотырааныспарынан хааччыйыы сулууспата” мастарыскыай силиэсэрэ.

Павлов Захар Егорович, Бэрдьигэстээх нэһилиэгин сыбаарсыга.

Петухов Денис Анатольевич, “Быыһыыр сулууспа”  быыһааччыта

Пешкова Оксана Валерьевна, “Киин” киинэ тыйаатырын ыстаарсай контролера.

Половинкина Елена Викторовна, “Суол наукатын оскуолата” куруһуок салайааччыта, ыстаарсай педагога.

Рожина Саргылана Афанасьевна, «Мэнкир» патронажнай хампаанньа универсальнай дьиэ кэргэн пиэрмэтин төрүттээччитэ.

Самсонов Василий Прокопьевич,    “Комдрагметалл” кырыылааччыта.

Селиверстова Гузель Амергалиевна, “Саханефтегазсбыт” лаборана.

Семенов Станислав Иванович,         “Семенов С.И.” бааһынай хаһаайыстыба баһылыга.

Серых Сергей Анатольевич, “Автодор” Хаҥаластааҕы филиалын экскаваторын машиниһа.

Соломонова Наталья Владимировна, Харыйалаах уһуйаанын иитээччитэ.

Терешкин Константин Константинович, “Дороги Арктики” суол учаастагын начаалынньыга.

Туприн Роман Дмитриевич,     Үлэ Дьоруойа Илья Спиридонов аатынан табаны иитэр-бултуур тэрилтэ дириэктэрэ.

Федоров Александр Борисович, “Южно-Верхоянскайдааҕы хостуур хампаанньа” хайа оробуочайа.

Федотов Петр Симонович, “Киэргэ” ХЭТ дизайнера.

Феоктистов Олег Владимирович, “Сахатранснефтегаз”мехколоннатын управлениетын экскаваторын машиниһа.

Черемкина Кирина Николаевна, Василий Васильевич Божедонов аатынан Ожоговай отделение ыстаарсай эпэрээсийэлиир мэдисиинискэй сиэстэрэтэ.

Черкасова Людмила Владимировна, “Якутия” авиахампаанньа начаалынньыга.

Шепелева Лариса Петровна, Ефрем Николаевич Андреев аатынан “Фтизиатрия” быраас-рентгенолога, отеделение сэбиэдиссэйэ.

Бу курдук 50 бастыҥ үлэһит чиэстэннэ, Саха Өрөспүүбүлүкэтин Ил Дарханын бириэмийэтин лауреата буолла. Харда тылы Галина Власова эттэ. Кини маннык үрдүк уонна дьоһун суолталаах наҕараадаҕа тиксибиттэрин иһин өрөспүүбүлүкэ Ил Дарханыгар Айсен Николаевка истиҥник махтанна. Өрөспүүбүлүкэ чэчирии сайдыытыгар өссө таһаарыылаахтык үлэлиэхпит диэн эрэннэрдэ.

Үөрүүлээх тэрээһин сэргэх кэнсиэринэн түмүктэннэ.

Хаартыска: Мария Васильева, СИА