Кэм да, сымарпуоммун талкыйа сытан, куорат олохтооҕо дойдутугар учаастагар тиийэ сылдьан көрбөтөҕүн көрөн, истибэтэҕин истэн кэлэйии бөҕөнү кэлэйэн, сиргэ силлээн суруйбутун ааҕан баран, бэри диэн бэркиһээн: «Туох алдьархайай?” – диэбитинэн олоро биэрдим.
Дьэ, кырдьык, буолар да эбит. Былыр, уоттаах сэрии, сут-кураан кэмигэр тыа дьоно эрэйдээхтэр хоргуйан, ыксаан сонуок сириттэн кутуйах хасааһын хостоотохторуна, онтуларын тутан, сэссийэлистиичэскэй суопсунаһы уордулар диэн дьыала тэрийэн хаайыыга түбэһиннэрэр хара санаалаах, “кыраҕы” харахтаах тойоттор, хобуоччулар да бааллара.
Күн бүгүн оннук учаастактааҕы иниспиэктэр дуоһунастаах “кыраҕы тойон” баар эбит. Хара тыа маһын бараабыккын диэн дьыала тэрийэн хас эмэ тыһыынчанан солкуобайдаах ыстараапка тэппит. Тырахтарыыс буруйа диэн, уопсайга, ыалларга от соһор стоговоһун саҥа тиистээбитэ буолбут.
“Стогобуос ыал аайы баар буолбат. Ол кыра дэриэбинэҕэ соҕотох да буоллаҕына көҥүлэ. Оонньуурга-көрүлүүргэ анамматах тэрил буолуохтаах, улахан наадалааҕа чуолкай. Стогобуос алдьаннаҕына, бүтүн дэриэбинэ иэдэйэр: от тиэллибэт, сүөһү хоргуйар. Ол аҕыйах тонкомер мас сыыһыттан баай хара тыабыт наһаа көҕүрээбэтэ, улахан хоромньу тахсыбата буолуо дии саныыбын. Тырахтарыыс уопсай дьыала туһа диэн билиэтэ-таймата суох кэрдибит, сокуону кэспит да буоллаҕына, кыһалҕаттан дьаһаммытын өйдүөххэ, инникитин учуоттан диэн сэрэтиинэн муҥурданыахха сөп этэ буоллаҕа.
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…