Кэлиҥҥи кэмҥэ кырдьаҕас дьону адьас убаастаабат буоллулар диэн саҥалар элбэхтик иһиллэллэр. Холобур, оптуобуска саастаах киһиэхэ эдэр дьон миэстэлэрин адьас туран биэрбэт буолбуттара аны улахан сонун буолбатах быһыылаах. Олохпут биир көстүүтэ буолбут диэн тойоннуохха эрэ сөп.
Дьэ ол эрээри, оннук буолбатах диэн түмүккэ кэллим ээ. Чэ, саас-сааһынан кэпсээтэххэ, маннык. Соторутааҕыта чугас табаарыһым барахсан эрийэн, Дьокуускай чугаһыгар кустуу барыахха диэбитигэр, били, эдэр сааспын санаан сөбүлэһэн кэбистим ээ. Кэлин санаатахха, таах сөбүлэспиппин быһыылаах ээ… Сатаан кыайан сылдьыллара дуу? Кыанымаара гыннахха, төннөн да киириллиэ буоллаҕа, чугас сылдьабыт.
Дьэ ол иһин куһу бултуурга диэн көҥүл ыла тиийдим. Тиийбитим, аан айаҕыттан атыыр уочарат, дьэ манна күнүм бараныыһы диэн санаам түстэ. Хаста да төннөөрү гынан баран, атаспар тылбын биэрбит буолан, көһүтэргэ тиийдим.
Күүттэххэ, өр да барар эбит уочараттара. Дьэ ол олордохпуна, көҥүлү биэрээччи атын хоско тиийэн дьылыс гынна. Мин ону көрөн, бу да киһи үлэтин үлэлээбэккэ, эмиэ тоҕо аралдьыйда диэн санааппын кытта кэбиниэттэн ойон таҕыста. Аттыбынан хааман иһэн миигин көрдө уонна кус көҥүлүн ыла кэлбитим туһунан ыйытта, онуоха мин “оннук” диэн хап-сабар эппиэттээтим.
Уолум, кырдьаҕаһы уочарата суох киллэрэрин туһунан күүтэн олорооччуларга иһиллэр гына саҥарда уонна кэбиниэтин диэки илиибиттэн ылан илтэ. Киллэрэн көҥүл докумуонун толорон кылыгыратта уонна пошлинаны төлөөбүппүн-төлөөбөтөхпүн ыйытта, мин онуоха мэлигир буоллаҕым.
Хата, мин дьолбор, улахан сиэним төлөпүөммэр били, онлайн-баан диэннэрин туруорбут эбит. Эдэр уол онон киирэн, харчыны наадалаах сир диэки утааран кэбистэ, онтулара бэйэтэ да 500 солк. эбит. Ол онлайн-бааннарыгар биэнсийэбиттэн бэйэтэ да 1500 солк. хаалбыт. Эмээхсин кууһунан атыылыыр сиргэ баран, бурдук, саахар, ол-бу бородуукта эҥин атыыласпыт этэ.
Эдэр уол көрсүө-сэмэй, саастаах дьону убаастыыр буолан, атыыр уочаракка уһуннук олорбокко, эбиэт иннинэ дьиэбин буллум. Онон бу саас кустуу барар санаам, эрэлим улаатта. Ол туһунан табаарыспар үөрэн туран кэпсээтим.
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…