Ыалбыт Ылдьаана хотуттан айгыстан, айманан кэллэ. Уонча хонукка туундараҕа саас кэлиитин көрө диэн көппүтүн сураҕын истэн эрэ хаалбыппыт.
Дьэ, биир киэһэ киирэн дойдутугар хайдах сынньаммытын, тугу көрбүтүн, ханна сылдьыбытын кэпсээбитэ. Дойдулаах киһи дуоһуйан кэлбитэ биллэр этэ. «Туундара салгына сибиэһэйэ-ээ», — диэбитэ бэркэ астыммыт куолаһынан.
Ол эрээри бүтэһигэр Дьокуускай пуордуттан хайдах көппүтүн кэпсээн ханна да көппөт, айаннаабат дьону мунаардыбыта. “Илдьэр таһаҕаһыҥ биир суумка буолуохтаах, ол ыйааһына 23 киилэттэн ордуо суохтаах үһү”. Бу ким айбыт быраабылата буолла диэн айманар. Урут 20 киилэ таһаҕаскын хас баҕарар суумкаҕа уган илдьэриҥ көҥүллэнэр эбит. Хотулар эрэйдээхтэр пуорка киирэн таһаҕастарын ыйааһыҥҥа ууран муҥнаналлар үһү. 200–300 кыраам аһары бардаҕына, улахан аймалҕан буолар эбит. Суумкаҕа эбэтэр кумааҕы дьааһыкка укпут малыҥ ирдэбилтэн аһары бардаҕына, кыраамы көҕүрэтээри, алдьамматын, тохтубатын туһугар скотч диэн аныгы тэрилинэн эрийэн муҥнаммыт суумкаҕын хаттаан алдьатаргар тиийэҕин. Дьэ, моһуок эбит!
Пуорка киирэллэригэр малларын ыадаччы уктубут суумкаларын кытта мадьыктаһыы туһунан остуоруйа үһү. Бэл, күөгэйэр күннэригэр сылдьар эр бэртэрэ көлөһүн-балаһын аллаллар эбит диир. Ким да атаарар киһитэ суох торуоскалаах, бэйэтэ нэһиилэ сылдьар кырдьаҕастар эрэй бөҕөнү көрбүттэр. Хата, пуорт иһигэр киирдэххэ, үчүгэй сүүрэр кэлээскэлэр бааллара абыраабыт. “Онон олохтоох лииньийэлэргэ таһаҕас биир суумка буолуохтаах диэн быраабыланы көтүрүөххэ наада”, — диэтэ муос-таас курдук бэркэ абаран-сатаран.
Аны туран сөмөлүөт көтөр-көппөт буолуута туспа моһуок үһү. Бэрт үчүгэйдик регистрацияны ааһан дьону мунньар сиргэ киирэн баран, Ылдьааналаах төттөрү орҕостон тахсыбыттар. Хата, таһаҕаһы харайар камераҕа малларын босхо хаалларан абыраабыттар. Ол эрээри, били, биир суумкаҕа батыахтаах диэн быраабыла түмүгэр улахан кытаайыскай суумкалаахтар ол дьааһык иһигэр нэһиилэ симэллэр эбит. Кыһыл көмүскэ тэҥнээх кэһиилэрин — сымыыттарын онно хаалларар көҥүллэммэт. Онон эмиэ төттөрү-таары дьиэҕэ сосуһуу.
Һэ-Һэ! Кырдьаҕастар, кыамматтар көппөтүннэр, төттөрү-таары тиэстибэтиннэр диэн айбыт быраабылалара буоллаҕа дуу?
Суруналыыстары кытта көрсүһүүтүгэр Евгений Григорьев мээр дуоһунаһыгар салгыы үлэлиир былааннааҕын туһунан иһитиннэрдэ. Ол эбэтэр быыбарга…
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…
Бүгүн, ахсынньы 18 күнүгэр, Саха сирин сорох улуустарыгар -20 кыраадыс буолара күүтүллэр диэн УГМС иһитиннэрэр.…
«Саханефтегазсбыт» АУо 2025 сылга ыраах сытар, сылы эргиччи суола-ииһэ суох, автозаправочнай (АЗС) уонна контейнернай автозаправочнай…