Дьэ, доҕоттоор, олохпут-дьаһахпыт, күммүт-дьылбыт үлтү бутуллан, били түҥ былыргыттан ахтыллар Содуом уонна Гоморра үйэтинээҕи кэмҥэ үктэннибит быһыылаах дуу, диэммин олуһун дьаахханабын.
Помпей саарыстыбатын сиҥнэрбит сир дьигиһийиитэ Турцияҕа хатыланна, уонунан тыһыынча киһи тыыныгар турда. Киһи барахсан туохха барытыгар үөрэнэр, содуомнаах олохпут сиэринэн. Күн бэҕэһээ, Саха сирин Украинатынан аатырар Өлүөхүмэҕэ, кулун тутар ый чаҕылҕанынан, этиҥинэн саҕаламмытын туһунан батсаап ситимэ туолан, Хоту сир олохтоохторун соһутта, сэҥээртэ. Хаһан уонна ханна бэлиэтэммитэй, дьыл баччатыгар чаҕылҕан чаҕылыйара, этиҥ этэрэ?
Кырдьык оннук дуо, диэн уопта-болохуна сибээһинэн тутатына өлүөхүмэлэри кытта сибээстэстибит.
– Биһиги, тыа сирин дьоно, сүөһүлээх-астаах буоллахпыт. Сарсыарда уон чаас саҕана хотоммутугар сырыттахпытына, чаҕылҕан чаҕылыйда. Онтон аны сайыҥҥы этиҥ этэринии тыас бөҕө лүһүгүрээтэ. Соһуйан өлө сыстыбыт. Дьиҥинэн, халлааммыт ичигэс, 5 эрэ кыраадыс тымныы. Тыал бөҕө, хаардыыр, – диэн улаханнык уйуһуйбатах Кыыллаах нэһилиэгин баһылыгын солбуйааччы Дмитрий Викторович Чердонов бэрт холкутук кэпсээтэ.
Содуомнаах олохпут көстүүтэ буоллаҕа. Тэлэбиисэринэн суоһарыылаах аракыаталар чаҕылҕанныы сурулуулларын, сүүнэ гаубицалар киһини дөйүтүөх төлүтэ сөтөллөллөрүн көрө-истэ үөрэнэн хааллахпыт…
Саха сиригэр 9-с уонна 11-с кылаас үөрэнээччилэригэр судаарыстыбаннай түмүк аттестациятыгар бэлэмнэнии үлэтэ түмүктэннэ. Бу туһунан…
Хомунаалынай өҥөҕө сыана үрдээһинэ хомунаалынай тэрилтэлэргэ субсидияны аччатыы реформатын кытта сибээһэ суох. Бу туһунан «Якутия…
«Евровидение» ырыа куонкуруһугар Арассыыйа төрдүс сылын субуруччу кыттыбат буолбута. 2022 сыл олунньутугар Европатааҕы вещательнай Сойуус…
«Россия 24» ханаалга биэрбит интервьютугар РФ Бырабыыталыстыбатын бэрэссэдээтэлин солбуйааччы – РФ Бэрэсидьиэнин Уһук Илиҥҥи федеральнай…
Саха сирин көҥүл тустууга сүүмэрдэммит хамаандата устудьуоннарга Арассыыйа чөмпүйэнээтин түөрт боруонса мэтээллээх түмүктээтэ. Пьедестал үһүс…
Бэйиэт Наум Платонов-Амгинскай Амма улууһун Соморсун нэһилиэгэр күн сирин көрбүтэ. Тыыннааҕа буоллар бүгүн, ыам ыйын…