Биэтэс Билээхэп: Сыcпай сиэллээх дьиэ таһын буулаабыт

Share

Дьэ бу күннэргэ бииргэ төрөөбүт быраатым аахха эмээхсиммин кытта орто сиэммин тайах оҥостон, тыа сиригэр тахса сырыттыбыт. Уолум  тимир көлөтүнэн илдьэн, аҕалан абыраата.

Онно тиийэн манныгы көрдүм. Ынах-сүөһү дьиэ таһын булара кэпсэл буолбатах, сарсыарда уонна киэһэ ынахтары ыыллар буоллаҕа.

Дьэ, доҕор, сылгылар арахпаттарын көрөн сөхтүм. Хастыы да үөр киэһэ аайы нэһилиэк хабайар-хаба ортотугар киирэн турунан, сорохтор сытынан кэбиһэллэр. Тимир көлөлөөхтөр туруоруохтарын, үүрүөхтэрин сүрэҕэлдьээн, атын сиринэн тумнарга күһэллэллэр.

Дьэ бу аата тугуй? Төһө да билигин Дьоллоох Дьокуускай куоракка олорбутум иһин эдэр-сэнэх эрдэхпинэ нэһилиэккэ олорон үлэлээбит аҕай киһи буоллаҕым. Онно сыспай сиэллээҕи самаан сайын устата нэһилиэк аттыгар көрүллүбэт этэ ээ. Дьэ ол билигин олох атын хартыына буолбут. Сөп ээ. Аны билигин урукку курдук сылгыһыттыыр букатын суох. Сопхуос саҕана ыраах сирдэргэ анаан-минээн илдьэн мэччитэллэрэ, көрөллөрө-истэллэрэ.

Билигин ынахтыын, сылгылыын бары дьиэ таһыгар сылдьаллар.  Сиэним уол биир киэһэ айманан аҕай киирдэ. Уонна: «Биир ат биир борооскуну ынырык баҕайытык сүүскэ тэптэ. Анарааҥҥы дөйөн оҕунна. Хата, сыта түһэн баран, син атаҕар турда», – диэн кэпсэллээх буолла. Дьэ ол тэбиэлэһэ, ытырса сырыттахтара. Аһара баран эттэххэ, кыра оҕолорго да сэрэхтээх курдуктар ээ.

Recent Posts

  • Сонуннар
  • Сүрүн

Өлүөнэ күргэтин бастакы тирэҕин туруордулар

Бүгүн Өлүөнэ өрүс хаҥас кытылыгар үөрүүлээх быһыыга-майгыга Өлүөнэ күргэтин бастакы тирэҕэр өйдөбүнньүк бэлиэни туруорар тэрээһин…

10 часов ago
  • Быһылаан
  • Сонуннар
  • Уопсастыба

Куорат олохтооҕо дьиэ уопсай көрүдүөрүттэн былдьаспыт

2024 сыл от ыйыгар Дьокуускай куорат биир саҥа тутуутугар нус-хас олох тохтообута. Сэттис мэндиэмэҥҥэ олорор…

11 часов ago
  • Сонуннар
  • Сүбэһит
  • Уопсастыба

Сүбэһит: Оҕуруот аһыттан күһүҥҥү пюре

Хортуоскаттан эрэ буолбакка, атын оҕуруот аһыттан минньигэс, туһалаах пюре оҥоһулларын билэҕит дуо? Бу маннык илдьиритиллибит…

11 часов ago
  • Быһылаан
  • Сонуннар
  • Уопсастыба

Пассажирдардаах суудуна өрүс ортотугар алдьаммыт

Саха сиринээҕи тырааныспар борокуратуурата сымнаҕас сыттыктаах суудунаны кытары сибээстээх түбэлтэнэн бэрэбиэркэ ыытар. Бүгүн, алтынньы 21…

11 часов ago
  • Байыаннай эпэрээссийэ
  • Сонуннар
  • Уопсастыба

Соһуччу бэлэх

Алтынньы 20 күнүгэр Куокуй орто оскуолатын дириэктэрэ Петров И.И. биһиги иистэнэр сыахпытыгар соһуччу бэлэхтээх киирэн…

12 часов ago
  • Сонуннар
  • Уопсастыба
  • Үөрэх

Төрүт сокуоҥҥа үөрэхтээһиҥҥэ уларытыылары өйөөтүлэр

Саха сирин үөрэхтээһинин сүрүннүүр исписэлиистэр уонна парламентарийдар Төрүт сокуоҥҥа үөрэххэ сыһыаннаах көннөрүүлэри өйүүллэрин биллэрдилэр. Кинилэр…

12 часов ago