Хаартыска: Ресурснай киин пресс-сулууспата
Алтынньы 7-9 күннэригэр Саха сирин Биир кэлим ресурснай киинэ биэс сыллаах үбүлүөйүн чэрчитинэн «Бигэ сайдыы оскуолата – КСТ (НКО) үбүлүөйдээх акселератора» диэн тэрээһини ыытта.
Тэрээһин СӨ Үүнэр көлүөнэ тус сыаллаах пуондатын уонна Хабаровскайга баар Бэрэсидьиэн култуурунай көҕүлээһиннэрин пуондатын Уһук Илиҥҥи бэрэстэбиитэлистибэтин өйөбүллэринэн ыытылынна. Бу туһунан Ресурснай киин пресс-сулууспата иһитиннэрэр.
Кэммиэрчэскэйэ суох тэрилтэлэр 80-тан тахса лидердэрэ уонна креативнай индустриялар бэрэстэбиитэллэрэ киэҥ ис хоһоонноох үөрэх бырагырааматыгар кыттыыны ыллылар. Акселератор «НКО стратегическай сайдыыта: аныгы кэм ыҥырыыларыгар үлэни-хамнаһы уларытыы» диэн сессияттан саҕаланна. Үөрэх кэмигэр НКО сайдыытын стратегиялара, билиҥҥи балаһыанньаҕа үлэлэрин-хамнастарын уларытыы, нэһилиэнньэ көмүскэлэ суох араҥатын кытта үлэ, сокуоннарга уларыйыылар, отчуоттуур эбээһинэстэр уонна сыыппараҕа көһүү кыахтара дьүүллэһилиннилэр.
Кыттааччылар үлэлэрин көдьүүһүн үрдэтэргэ сыаналаах үнүстүрүмүөннэри, ону тэҥэ атын тэрилтэлэртэн биир идэлээхтэрин кытта бииргэ үлэлээһини олохтуур уонна уопут атастаһар кыаҕы ыллылар. Ону таһынан, үлэлэригэр-хамнастарыгар көрсүбүт табыллыбатах уопуттарынан үллэһиннилэр. НКО лидердэрэ бэйэлэрин санааларын эспиэрдэри кытта быһаччы дьүүллэһэн, чопчу сүбэлэри ылар ураты кыахтаннылар. Үөрэхтээһин араас куонкурустарга ситиһиилээхтик кыттар кыахтарын биллэ үрдэтиэҕэ. Бу үөрэх алтынньы 15 күнүгэр саҕаланар.
«Бигэ сайдыы оскуолата – НКО үбүлүөйдээх акселератора» эспиэрдэри уонна кэммиэррчэскэйэ суох тэрилтэлэр лидердэрин түмэн, уопуту уоннa билиилэри атастаһар суолталаах былаһаакканан буолла. Тэрээһин НКО бэрэстэбиитэллэрин квалификацияларын үрдэтиигэ эрэ буолбакка, Саха сиригэр НКО хайысхатын салгыы ситиһиилээхтик сайдарыгар олук уурда. Сиһилии бу сигэнэн ааҕыҥ: https://www.sakha.gov.ru/news/13687
Хатас норуодунай тыйаатыра Арассыыйа норуодунай тыйаатырдарыгар аналлаах эрэгийиэннэр икки ардыларынааҕы бэстибээл-күрэххэ кыайан, бу күннэргэ Чукотка…
Благовещенскай куоракка ССРС успуордун маастара Алексей Ковалев кэриэһигэр көҥүл тустууга Бүтүн Арассыыйатааҕы турнир буолан ааста.…
''Сэргэлээх уоттара'' култуура киинигэр ахсыс төгүлүн ыытыллар "Үрүҥ хаар алгыһа" норуоттар икки ардыларынааҕы бэстибээл өрө…
Өрөспүүбүлүкэ бырабыыталыстыбатын бэрэссэдээтэлин солбуйааччы Ольга Балабкина СӨ Төрүт сокуонугар киирэр көннөрүүлэр киһи быраабын, ол иһигэр…
Бу сыл ахсынньытыттан дойду үрдүнэн биир киһи илдьэ сылдьар баан каартатын ахсааныгар хааччахтары олохтуохтарын сөп.…
Ил Дархан Айсен Николаев бүгүн, алтынньы 14 күнүгэр, VIII Норуоттар икки ардыларынааҕы «Үрүҥ хаар алгыһа»…