Ааптар хаартыскаҕа түһэриитэ
Нам улууһугар Аппааныга И.Д.Винокуров-Чаҕылҕан аатынан бибилэтиэкэҕэ бэртээхэй быыстапка тэриллэр.
Быыстапка биир уратыта, кэмиттэн-кэмигэр уларыйан, салҕанан иһэр. Манна кэллиэксийэньиэрдэр муспут ураты маллара-саллара элбэх сонуну, историяны сэһэргииллэринэн быыстапканы кэрэхсээн көрөөччү, истээччи куруутун элбэх. Бу түбүктээх, эппиэтинэстээх үлэни бибилэтиэкэр Варвара Дмитриевна Замятина хомуйан, тэрийэн оҥорор.
Билигин Улуу Кыайыы 80 сылын көрсө эмиэ бэртээхэй, болҕомтону тардар, көрбүтү эрэ долгутар быыстапка туруорулунна. Манна биһиги нэһилиэкпититтэн Аҕа дойду уоттаах сэриитигэр барбыт хорсун-хоодуот буойуттарбыт: эһээлэрбит, аҕаларбыт, убайдарбыт, аймах-билэ дьоммут туттубут маллара, үлэлэригэр үрдүк көрдөрүүлэрин иһин ылбыт уонна күндүтүк санаан уура сылдьыбыт наҕараадалара, махтал суруктара ууруллубуттар. Киһи улаханнык долгуйа көрөр.
Ытык дьоммут барахсаттар бу малларын оҕолоро-уруулара олус кичэллээхтик уонна харыстаан уура сылдьалларыттан бары да үөрдүбүт. Өссө ситэриллэн иһиэхтээх диэбиттэрэ астыннарда. Варвара Дмитриевна быыстапкалары сэргэ, араас тэрээһиннэри, куруһуоктары салайан ыытар. Ити да иһин биһиги нэһилиэкпит бибилэтиэкэтигэр дьон-сэргэ өрүү толору буолар. Манна үлэ күөстүү оргуйар. Түгэнинэн туһанан Варвара Дмитриевнабытыгар өссө элбэх, интэриэһинэй тэрээһиннэри ыытарыгар уонна ааҕааччылар куруутун кэлэ туралларыгар баҕарабыт.
Нина Саввина,
Аппааны, Нам.
Ааптар хаартыскаларга түһэриитэ
Арассыыйа Бырабыыталыстыбата соторутааҕыта олоххо саамай наадалаах уонна суолталаах эмп препараттарын (ЖНВЛП) испииһэгин кэҥэттэ. Искэн, генетическэй,…
Ахсынньы 24 күнүгэр ЯК-488 Санкт-Петербург – Дьокуускай рейсин толоруу кэмигэр, салгын аалын хамандыыра, тиэхиньикэ алдьаныытынан,…
Сунтаарга буокса сиэксийэтэ аан бастакытын Сиэйэҕэ тэриллибитэ. Ол курдук, 1959 сыллаахха энтузиаст учуутал, тренер Гаврил…
Өрөспүүбүлүкэҕэ суукка иһигэр 8 буруйу оҥоруу түгэнэ бэлиэтэннэ, олорунан процессуальнай бэрэбиэркэлэр уонна хонтуруоллааһын ыытыллар. Бу…
Ил Дархан Айсен Николаев Арассыыйа Бэрэсидьиэнин көмөлөһөөччүтэ Николай Патрушев салайан ыыппыт (Морской коллегия) мунньаҕар кыттыыны…
Горнай оройуонугар ДПС иниспиэктэрдэрэ кыһыҥҥы тымныыга массыыната алдьаммыт суоппарга көмөлөстүлэр. Бу туһунан ИДьМ пресс-сулууспата иһитиннэрдэ. …