Сайаана Львова хаартыскалара
Бүгүҥҥү Саха төрүт бэчээтин күнүн тэрээһинэ күн иккис аҥаарыгар «Сахамедиа» өрөспүүбүлүкэтээҕи медиа-киинигэр салҕанан барда.
Бу тэрээһиҥҥэ Өрөспүүбүлүкэ судаарыстыбаннай уонна официальнай тылларын сайыннарыыга уонна тарҕанар ыырдарын кэҥэтиигэ, национальнай бэчээккэ, иһитиннэрэр-биллэрэр эйгэҕэ үлэлии сылдьар ураты ситиһиилээх суруналыыстар бэлиэтэннилэр.
СӨ инновацияҕа, сыыппара сайдыытыгар уонна инфокоммуникационнай технологияларга министиэристибэтэ, Арассыыйа Суруналыыстарын сойууһун Саха сиринээҕи салаата уонна Арассыыйа национальнай СМИ-лэрин ассоциацията тэрийбит «Уһун Дьурантаайы-2024» күрэх түмүгүнэн суруналыыстары наҕараадалаатылар.
Бүгүҥҥү кэмҥэ сахалыы тыллаах периодическай таһаарыылар коммуникационнай, информационнай технологиялар балысхан сайдыыларын кытта тэҥҥэ хардыылыыллар. Сахалыы тылынан информацияны киэҥник тарҕатар электроннай таһаарыылар атахтарыгар турдулар. Үтүө үгэстэрдээх кырдьаҕас эрэдээксийэлэр электроннай информационнай үлэни ситиһиилээхтик баһылыыллар.
Биһиги биир идэлээхтэрбит«Уһун Дьурантаайы-2024» суруналыыстар күрэхтэригэр «Бастыҥ ырытааччы» номинацияҕа кыттаннар, Ангелина Васильева – 1 миэстэни, Ульяна Захарова – 2-с миэстэни ыллылар. Оттон Василий Прокопьев «Бастыҥ кэпсээччи» номинацияҕа кыттан 2- миэстэни ылары ситистэ.
Биир идэлээхтэрбитин уонна кыайыылаахтары, саха суруналыыстарын идэлээх бырааһынньыктарынан – Национальнай бэчээт күнүнэн, кыайыыларынан эҕэрдэлиибит, төрөөбүт-үөскээбит Сахабыт сирэ чэчирии сайдарын туһугар таһаарыылаах айар үлэни баҕарабыт! Сытыы бөрүөҕүт сыппаабатын!
Дьааҥы Табалааҕыттан төрүттээх Дьокуускай куоракка олорор биир дойдулаахтар түмсүүлэрин көхтөөх актыбыыһынан биллэр Елизавета Потапова быйыл…
Бүгүн, от ыйын 5 күнүгэр, хапсаҕайга, курашка, буоксаҕа, волейболга уонна үрдүккэ хатаастан тахсыыга (скалолазание) бастыҥнары…
«Азия оҕолоро» норуоттар икки ардыларынааҕы оонньуулар биир кэрэхсэнэр күрэхтэһиилэринэн хапсаҕайдаһан тустуу буолар. Үгүс киһи аан…
"Азия оҕолоро" оонньууларын кэмигэр хас биирдии күрэхтэһии буолар сирин аттыгар билиэт уонна сувенир атыылыыр, суумкаҕын…
Саха сиригэр ойуур баһаарын умуруорууга 1600 киһи, ол иһигэр анал идэлээх 700 баһаары утары охсуһааччы…
Хапсаҕайга Саха сирин сүүмэрдэммит хамаандата алта мэтээллээх. Итинтэн иккитэ - кыһыл көмүс. Хапсаҕай күрэһэ "Триумф"…