Бүгүн, Норуот сомоҕолоһуутун күнүгэр, Өксөкүлээх Өлөксөй аатынан Норуоттар доҕордоһууларын дьиэтигэр Бүтүн Арассыыйатааҕы «Биһиги бииргэ» аахсыйаны өйөөн, патриотическай тэрээһин ыытылынна.
Тэрээһин Саха Өрөспүүбүлүкэтин Ил Дархана Айсен Николаев эҕэрдэтиттэн саҕаланна:
«…Биһиги билигин киэҥ хабааннаах устарсыыны көрсөбүт. Ол эрэн, биһиги чахчы, бииргэбит! Өстөөхтөрбүт сорунуулара таҥнастарын көрөбүт, кинилэр биһигини куттуохтарын, араас сааҥсыйаларынан самнарыахтарын баҕарбыттара. Кинилэр Арассыыйаны тобуктаппатылар. Биһиги дойдубут бэрэсиэльиэнэ Владимир Путин, судаарыстыбаннас идеяларын тула өссө күүстээхтик муһуннубут. Биһиги былаан быһыытынан эйэлээх сыалбытыгар-сорукпутугар тиийэбит.
Анал байыаннай эпэрээссийэ саҕаланар маҥнайгы күннэриттэн ыла атын субъектар олохтоохторун кытары анал эпэрээссийэ этэҥҥэ барарыгар көмөлөһөбүт. Саха сирин тыһыынчанан олохтооҕо быстах хомуур чэрчитинэн сэрии толоонугар кыргыһар. Бу күннэргэ баҕа өттүнэн барбыттар «Боотур» этэрээттэрин дьоно төннөн кэллэ. Хомойуох иһин, кинилэртэн сорохторо сэрии толоонугар хаалла…», – диэн биир дойдулаахтарбытын саҥата суох туран чиэстииргэ ыҥырда.
Айсен Николаев эппитинэн, Сахабыт сирин дьоно, тэрилтэлэрэ хас эмэ туоннанан бородууктаны, бастакы наадалаах табаардары, тус гигиена сириэстибэлэрин хомуйан, гуманитарнай көмөнү уонна биир күннээх хамнастарыттан ыыттылар.
«Хас биирдии киһи көмөтө олус суолталаах. Бүгүҥҥү аахсыйаҕа кыттыбыт дьон хас биирдиигит дууһаҕытын ууран туран, дойдутугар көмөлөһө сылдьаҕыт, күүстээх гражданскай позициялааххыт.
Мин бүгүн манна оҕолор уонна ыччаттар элбэхтэриттэн олус үөрдүм. Эһиги хайдах дьон буолан иитиллэн тахсаргытыттан дойдубут инники сайдыыта тутулуктаах. Бары бииргэ түмсэн, сомоҕолоһон судаарыстыбаннас уонна патриотизм идеяларыгар өссө да элбэх ыччаты тардыахпыт, иитиэхпит. Биһиги оҕолорбут, ыччаттарбыт бэйэлэрин эһэлэрин, хос эһэлэрин курдук, дойдуга бэриниилээх буола улааталларыгар олус эрэнэбин», -– диэн эдэр ычччакка улахан эрэлин биллэрдэ.
Айсен Николаев бу күн бастыҥ үөрэнээччилэргэ, актыбыыстарга саҥа пааспардарын туттарда, кинилэргэ ситиһиилэри баҕарда.
Нерюнгри оройуонугар буолуохтаах Олоҥхо ыһыаҕар эрдэттэн тиийээри, от ыйын 2 күнүгэр хайы-үйэ массыыналар субустулар. Хайдах…
Бу күннэргэ социальнай ситимнэринэн Дьокуускай куораттан Аллараа Бэстээххэ паромунан айаннаан иһэр пассажирдар Өлүөнэ өрүскэ сэлээркэ тохтон…
Ааспыт нэдиэлэҕэ ДНӨ уонна Белгород уобалаһын тирэх пууннарын үлэһиттэрэ Саха сирин байыастарыгар 188 аадырыстаах баһыылканы…
Электроннай табахтан, вейптан аккаастаныы "Давай бросать" диэн марафон саҕаланна. Биир санаалаахтар никотинтан тутулуктаах буолууну бохсорго…
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …