Хаартыска: ааптар тиксэриитэ
«Сахафармация» АУо социальнай тэрилтэлэргэ уонна уопсастыбаннай тэрилтэлэргэ эмп-том арааһыттан уонна ыраастыыр сириэстибэлэртэн турар гуманитарнай көмөнү сыл аайы оҥорор.
“Сахафармация” АУо В.П.Решетников аатынан кырдьаҕастар уонна инбэлииттэр өрөспүүбүлүкэтээҕи интэринээт-дьиэлэригэр доруобуйаны чөлүгэр түһэрэр эмтэринэн уонна ыраастыыр сириэстибэлэринэн көмөлөстө. Ону сэргэ Капитоновкатааҕы интэринээт-дьиэҕэ дизентерияны сэрэтэр бактериофаг баксыынатынан хааччыйбыта. Тоҕо диэтэххэ, бу интэринээт олорор дьиэтэ ууга барар кутталлаах сиргэ турар уонна сыстыганнаах ыарыылар көбөр кутталлара баар.
Инбэлииттэри биир кэлим реабилитациялыыр социальнай-чэбдигирдэр өрөспүүбүлүкэтээҕи кииҥҥэ билигин социальнай көмөнү ылбыт байыаннай эпэрээссийэ кыттыылаахтара доруобуйаларын чөлүгэр түһэрэллэр.
Байыастар ийэлэрин кэмитиэтин бэрэссэдээтэлэ Майя Герасимова кэпсээбитинэн, бу күннэргэ “Сахафармация” АУо байыаннай дьайыы кыттыылаахтарыгар эмтээх препараттары уонна дезинфекциялыыр сириэстибэлэри тиксэрдэ.
-Биһиги саллааттар ийэлэрин кэмитиэттэрин аатыттан улахан махталбытын “Сахафармация” кэлэктииибигэр, генеральнай дириэктэр Степан Кусатовка, ыскылаат сэбиэдиссэйэ Юлия Захароваҕа уонна мэдиссиинэ бэрэстэбиитэлэ Анна Соловьеваҕа махтанабыт. Төрөппүттэр махталларыгар байыаннай эпэрээссийэ кыттыылааҕа, ыстаарсай лейтенант Анатолий Храмов кыттыста.
Зоя ИГНАТЬЕВА
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…