Дмитрий Яковлев хаартыскаҕа түһэриитэ
Горнай улууһугар Атамайга бойобуой дьайыылар бэтэрээннэрин күнүгэр анаммыт «Наши герои – наша гордость» диэн улуустааҕы тэрээһин ыытылынна.
Бэтэрээннэр, кинилэр чугас дьонноро, ыҥырыылаах ыалдьыттар В.Д. Лонгинов аатынан Атамай орто оскуолатыгар экскурсиялаатылар, В.Д.Лонгинов истиэндэтин, байыаннай дьайыы кыттыылааҕын, гвардия старшай сержанын Аввакумов Анатолий Анатольевич олорон үөрэммит «дьоруой паартатын» көрдүлэр.
Ол кэнниттэн Кыайыы болуоссатыгар «Үйэлэргэ умуллубат уокка», Чечня сэриитин кыттыылааҕа Сидоров Николай Иннокентьевич, байыаннай дьайыыга сырдык тыынын толук уурбут Аввакумов Анатолий Анатольевич мемориальнай дуоскаларыгар сибэкки дьөрбөтө уурулунна.
Тэрээһиҥҥэ култуура-успуорт комплексыгар мустубут ыалдьыттары тэрээһининэн эҕэрдэлээтилэр, волонтердарга, бэтэрээннэргэ наҕараадалар туттарылыннылар. Биир уратынан уонна долгутуулааҕынан, нэһилиэк биир бастыҥ волонтера Ефремова Варвара Егоровна саалаҕа олорор бэтэрээннэргэ барыларыгар харысхаллаах набордары бэлэхтээтэ.
Бу күн төгүрүк остуол, санаа үллэстиитэ буолла. Ону таһынан байыастар дьиэ кэргэттэригэр араас маастар-кылаастар, дартска, буулдьанан ытыыга, хары баттаһыытыгар уонна автомат ыһыытыгар-хомуйуутугар күрэстэр ыытылыннылар.
Дмитрий Яковлев,
Атамай, Горнай.
Ааптар хаартыскаларга түһэриитэ.
Нерюнгри оройуонугар буолуохтаах Олоҥхо ыһыаҕар эрдэттэн тиийээри, от ыйын 2 күнүгэр хайы-үйэ массыыналар субустулар. Хайдах…
Бу күннэргэ социальнай ситимнэринэн Дьокуускай куораттан Аллараа Бэстээххэ паромунан айаннаан иһэр пассажирдар Өлүөнэ өрүскэ сэлээркэ тохтон…
Ааспыт нэдиэлэҕэ ДНӨ уонна Белгород уобалаһын тирэх пууннарын үлэһиттэрэ Саха сирин байыастарыгар 188 аадырыстаах баһыылканы…
Электроннай табахтан, вейптан аккаастаныы "Давай бросать" диэн марафон саҕаланна. Биир санаалаахтар никотинтан тутулуктаах буолууну бохсорго…
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …