«Биһиги дьоруойдарбыт -– дойду бүттүүнүн киэн туттуулара»

Ил Дархан Айсен Николаев быһа эпиирин саҕаланыытыгар байыаннай дьайыыга сылдьааччылар өрөспүүбүлүкэ олохтоохторун Судаарыстыбаннас күнүнэн эҕэрдэлээтилэр уонна көмө иһин махталларын тириэртилэр. Ону сэргэ Ил Дархан байыаннай дьайыы зонатыгар тиийэ сырыыта уһуллубут видеолара көрдөрүлүннүлэр.

Ил Дархан  быһа эпииргэ байыаннай эпэрээссийэҕэ Саха сирин кылаатын үрдүктүк сыаналаата.
«Биһиги байыастарбыт, ол иһигэр «боотурдар», дойдубутун көмүскүү сылдьааччылар, көҥүл уонна биһиги дойдубут тутулуга суох буоларын туһугар олохторун толук уурбут байыастар -– биһиги кэммит дьоруойдара.
Биһиги хайаан да кыайыахтаахпыт, кыайыахпыт. Ол гынан баран, ол туһугар бииргэ түмсүөхпүтүн, сомоҕолоһуохпутун наада. Фроҥҥа уонна манна -– тыылга сомоҕолоһуохтаахпыт. Биһиэхэ Луганскай уонна Донецкай норуодунай өрөспүүбүлүкэлэргэ тирэх пууннар уонна таһаҕаһы тириэрдии тиһиктээх систиэмэтэ бааллар.  Бу сыллар тухары байыаннай дьайыы зонатыгар хас да сүүһүнэн квадроциклы, сүүһүнэн массыынаны, араас тиэхиньикэни, биһиги байыастарбытыгар наадалаах атын да тэриллэри тириэртибит. Саха сирэ билигин атын эрэгийиэннэргэ холобурунан буолар», -– диэн, кинилэр бары Саха сирин эрэ буолбакка, дойду барытын киэн туттуутунан буолалларын бэлиэтээн эттэ.
Ил Дархан Айсен Николаев  Арассыыйа дьоруойдарынан буолбут уолаттар уонна Саха сирин байыастара кинилэр эһэлэрэ Аҕа дойду Улуу сэриитигэр оҥорбут хорсун быһыыларын хатылыы сылдьалларын уонна бары биир сомоҕо буолан кыайыыга тиийиэхтээхпит туһунан эттэ.