Хаартыска: sakha.gov.ru
2025 сылга биисинэһи өйүүр сыаллаах «Көдьүүстээх уонна күрэстэһиилээх экэниэмикэ» саҥа национальнай бырайыак саҕаламмыта. Национальнай бырайыак бэйэтин дьыалатын тэринэр уонна ону кэҥэтэр баҕалаах дьоҥҥо көмөлөһөр сыаллаах.
Хапытаал суоҕа уонна билии тиийбэтэ бизнеһи саҕалыырга эбэтэр кэҥэтэргэ сүрүн мэһэйдэринэн буолаллар. Урбаанньыт буолуон сөптөөх дьон хантан саҕалыахтарын билбэттэр, дьону “подведи” гыныахпыт, харчыбытын сүтэриэхпит диэн куттаналлар. Онтон бэйэ дьарыктаах дьон туох чэпчэтиилэр, өҥөлөр, кирэдьиит сынньалаҥнара эбэтэр атын судаарыстыбаннай бырагыраамалар баалларын билбэттэр эбэтэр ситэри өйдөөбөттөр.
Билигин ханнык баҕарар кээмэйдээх бизнес судаарыстыба өйөбүлүнэн туһаныан сөп. Холобур, МСП.РФ платформа урбаанньыттарга 800-тэн тахса миэрэни уонна 30 өҥөнү оҥорор. Ол иһигэр киирэллэр: бизнес регистрацията, консультациялар, үөрэх куурустара, ырыынагы сыаналааһын уонна бизнес-былаан ааҕыыта, докумуон оҥоруу, сокуоннары саҥардыылар, нолуок отчуотун халандаара, суут иннинээҕи үҥсүү өҥөтө, франшиза каталога, бизнескэ сөптөөх дьиэ-уот базата, чэпчэтиилээх кирэдьиити ыларга сайабылыанньаны биэрии формата уонна да атыттар.
Дойду үрдүнэн баар “Мин бизнеһим” кииннэргэ урбаанньыттарга бэйэлэрин дьыалаларын сайыннарарга көмөлөһөллөр. Манна киирэллэр: үп-харчы уонна сокуон боппуруостарыгар сүбэни-аманы ылыы; бизнеһи хайдах сөптөөхтүк былаанныырга үөрэнии; маркетинг стратегиятын оҥоруу, рекламаны таһаарыы эбэтэр бородууксуйа дизайнын тупсарыы.
Киин исписэлиистэрэ эйигин хас биирдии түһүмэххэ өйүөхтэрэ – бизнеһи саҥа саҕалыыртан салгыы таһааран иһэргэр тиийэ.
Элбэх эйгэҕэ бизнеһи ыытар туһугар, урбаанньыт лицензия эбэтэр көҥүл ылыахтаах. Арассыыйаҕа хаһыс да сылын реформа бара турар – лицензияны уонна көҥүлү биэриини судургутутар бырайыак. Дойду үрдүнэн сылга мөлүйүөн кэриҥэ маннык докумуон оҥоһуллар. Билигин бу дааннай барыта “Госуслуги” саайтка баар. Лицензияҕа ирдэнэр докумуон ахсаана икки төгүл, оттон көҥүлү ыларга 1,5 төгүл кыччаабыт.
Дойду үрдүнэн элбэх урбаанньыт судаарыстыба туох өйөбүлү оҥорорун билэригэр көмөлөһөр федеральнай информационнай хампаанньа саҕаланна.
Арассыыйа Бэрэсидьиэнэ Владимир Путин көҕүлээһининэн ыытыллыбыт «Доруобуйа харыстабыла» национальнай бырайыагы олоххо киллэрии кэмигэр Саха сирин…
Ааспыт нэдиэлэҕэ байыастарга анаан үс тиэхиньикэ барда. Бу туһунан "Бары бииргэ Кыайыыга!" хамыыһыйа сүрүннүүр киинин…
Өлөөн улууһугар өрүһү туоруур суолу Өлөөн уонна Харыйалаах сэлиэнньэлэрин икки ардыгар астылар. Муус халыҥа 3…
Ил Дархан көҕүлээһининэн Арктика улуустарын үөрэҕин тэрилтэлэригэр эдэр исписэлиистэри сыһыарыыга туһаайыллар “Арктика учуутала” бырайыак ситиһиилээхтик…
Өрөспүүбүлүкэтээҕи доруобуйалара хааччахтаах оҕолорго аналлаах реабилитациялыыр кииҥҥэ байыаннай дьайыы кыттыылаахтарын дьиэ кэргэттэрин 642 чилиэнэ, ол…
Сэтинньи 4-6 күннэригэр Дьокуускайга ыытыллыбыт «Норуот уонна аармыйа түмсүүлээхтэр» үһүс өрөспүүбүлүкэтээҕи фашизмы утары пуорум пленарнай…