Саха сирин оҕолоро бу күннэргэ ЮНЕСКО аан дойдутааҕы нэһилиэстибэтин харыстыырга аналлаах Конвенциятын 50 сылын бэлиэтиир аан дойдутааҕы пуорумугар кытта сылдьаллар.
Дэлэгээссийэни Михаил Михайлович Винокуров иилээн-салайан сылдьар диэн Ытык Күөл 1 №-дээх оскуолатын телеграм-канала иһитиннэрэр.
Пуорум Арассыыйа омук дойдуларын дьыалаларыгар министиэристибэтин уонна Татарстан Өрөспүүбүлүкэтин Бырабыыталыстыбатын өйөөһүннэринэн ахсынньы 4-9 күннэригэр Казань куоракка ыытыллар.
Пуорум аһыллыытыгар Татарстан Өрөспүүбүлүкэтин Баһылыга Рустам Минниханов, РФ култууратын миниистирэ Ольга Любимова, ТР судаарыстыбаннай сүбэһитэ Минтимер Шаймиев, Казань мэрэ Ильсур Метшин, РФ ЮНЕСКО дьыалаларыгар хамыыһыйатын эппиэттээх сэкирэтээрэ Григорий Орджоникидзе эҕэрдэ тылы эттилэр.
Аан дойдутааҕы ыччат моделын комитетын кыттыылаахтара «Адымнар – к знаний и согласия» полингвальнай үөрэхтээһин комплексыгар, ЮНЕСКО аан дойдутааҕы нэһилиэстибэтин эбийиэгэр Казаньнааҕы Кириэмилгэ, «Созвездие – Йолдызлык» кэнсиэрдигэр сырыттылар.
Бу үс күн устата Арассыыйа араас муннуктарыттан кэлбит оҕолор бэйэлэрин эрэгийиэннэригэр баар култуура уонна айылҕа эбийиэктэрин туһунан кэпсээтилэр. Ол иһигэр Раифтааҕы Боҕоруодьускай эр киһи манастыыра, Идрисовтааҕы сурук-бичик, Тамчинскай дацан, Пинежскэй карстовай хаспах, о.д.а. эбийиэктэр тустарынан билиһиннэрдилэр.
Биһиги үөрэнээччилэрбит «Суруктаах хайа» суруктаах таастар пааматынньыктарын туһунан кэпсээтилэр. Бу ойуулар-бичиктэр Саха сирин былыргы норуотун итэҕэлин, олоҕун-дьаһаҕын үөрэтиигэ, ону тэҥэ Сибиир уонна Уһук Илин эрдэтээҥҥи боруонса үйэтинээҕи култууратын, устуоруйатын өйдүүргэ олус улахан суолталаахтар.
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ баһаарынайдарын түмтэ. Бу туһунан…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…