«Биһиги ытык эбээһинэспит – анал байыаннай дьайыыларга кытта сылдьар буойуттарбытыгар кыайыы туһугар көмөнү барытын оҥоруу. Саха сирэ бэйэтин холобурунан анал байыаннай эпэрээссийэҕэ сыһыанын уонна көдьүүстээх көмөтүн ырылхайдык көрдөрдө”, — диир СӨ нэһилиэнньэҕэ куттал суох буолуутун хааччыйыыга судаарыстыбаннай кэмитиэтин бэрэссэдээтэлин солбуйааччы Никита Александрович Павлов.
— РФ Бэрэсидьиэнэ, дойду сэбилэниилээх күүстэрин главнокомандующайа Владимир Владимирович Путин анал байыаннай эпэрээссийэни ыытар быһаарыныыны ылыныытын тус бэйэм өйүүбүн. Кэлин сыллар усталарыгар нацистар Украина сиригэр-уотугар аһаҕас сэриини ыыталларын арҕаа дойдулар көрбөтөҕө, билбэтэҕэ буола-буола, биһиги дойдубутун утары политиканы ыытаннар, сэрии сэбинэн хааччыйа олороллор, араас сааҥсыйаларынан атахтыы, сууллара сатыыллар. Арассыыйа Бэрэсидьиэнэ Владимир Путин, сорохтор саныылларын курдук, сэриинэн буолбакка, анал байыаннай эпэрээссийэнэн бу нацизм салгыы тэнийэрин Украина сиригэр-уотугар миэстэтигэр тохтотор быһаарыныыны ылыныыта улахан эппиэтинэстээх уонна историческай суолталаах. Бу судургута суох кэмнэргэ дойду бары олохтоохторо, биһиги, киэҥ көҕүстэнэн бэйэ бодобутун тардынан, олус уолуйбакка, Ийэ дойдубут этэҥҥэ кыайыылаах буоларыгар, Арассыыйа аармыйатыгар, Бэрэсидьиэммитигэр эрэниэх уонна туох кыалларынан тыылтан көмөлөһүөх, өйүөх тустаахпыт. Биһиги ытык эбээһинэспит – анал байыаннай дьайыыларга кытта сылдьар буойуттарбытыгар кыайыы туһугар көмөнү барытын оҥоруу. Саха сирэ бэйэтин холобурунан анал байыаннай эпэрээссийэҕэ сыһыанын уонна көдьүүстээх көмөтүн ырылхайдык көрдөрдө.
Бу ыытыллар эпэрээссийэ суолтатын өйдөөбөт, ылыммат уонна кириитикэлиир быһыы-майгы ордук ыччат ортотугар баара көһүннэ. Кинилэр — уопсастыбабыт ситэ-хото илик өйдөөх-санаалаах, ол эрээри араас информационнай цифровой ситимнэри баһылаабыт араҥата буолар. Инникитин оҕолору кыра эрдэхтэриттэн дойдуга бэриниилээх буолууга иитии, уһуйуу, Арассыыйа кырдьыктаах устуоруйатын үүнэр көлүөнэҕэ тиэрдии, быһаарыы үлэтэ күүскэ ыытыллара улахан суолталаах.
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…
Норуоттар сомоҕолоһууларын күнүгэр «Норуот уонна аармыйа — биир сомоҕо» фашизмы утары өрөспүүбүлүкэтээҕи III пуорум чэрчитинэн,…
Бүгүн, сэтинньи 4 күнүгэр, СӨ Бырабыыталыстыбатын бэрэссэдээтэлэ Кирилл Бычков Норуот сомоҕолоһуутун күнүгэр анаммыт «Доҕордоһууну, Эйэни,…
Норуот сомоҕолоһуутун күнүгэр Дьокуускайга автопробег ыытылынна. Бу туһунан Дьокуускай куорат дьаһалтатын пресс-сулууспата иһитиннэрэр. Массыына холуонната…
Байанай ыйа саҕаланар биир күнүгэр Клара Андреевна уонна Никандр Прокопьевич Тимофеевтарга улуу олоҥхону дьоһуннаан олорон…
РФ Силиэстийэлиир кэмитиэтэ Саха сиригэр Алдан куоракка саахалланар туруктаах дьиэ олохтоохторун өр кэмҥэ көһөрбөтөх чахчытынан…