Ааптар хаартыскаҕа түһэриитэ
‘»Аҕа дойдуну көмүскээччилэр» кииҥҥэ ‘»Стойкость куется на Севере» уонна «Биһигини умнаайаҕыт» кинигэлэр сүрэхтэниилэрэ буолла.
2024 сыллаахха ‘»Аҕа дойдуну көмүскээччилэр» пуонда уонна »Айар» кинигэ кыһата аһаҕас куонкуруһу ыыппыттара. Ол түмүгүнэн, нууччалыы уонна сахалыы тылынан кэпсээннэр, уочаркалар, хоһооннор хомуурунньуктара бэчээттэнэн таҕыстылар.
Бу дьиҥнээх олоххо буолбут, байыастар олохторун, устуоруйаларын кэпсиир, сырдатар айымньылар.
Алексей Александров, «Аҕа дойдуну көмүскээччилэр» пуонда салаатын салайааччы:
— «Айар» кинигэ кыһатын кытта таһаарбыт кинигэлэрбит, бүгүҥҥү күҥҥэ биир бастыҥнарынан буолаллар. Биһиги дьоруойдарбыт кэриэстэрин, сырдык ааттарын үйэтитиэх, чиэстиэх тустаахпыт. Байыастарбыт, төһө да сэмэйдик буоллар, бэйэлэрин кэпсээннэрин суруйбуттарыгар махтанабыт. Бу кинигэлэр үүнэр көлүөнэни иитиигэ улахан оруоллаахтар. Аныгы кэм дьайыыларын, дьоруойдарын кэмигэр сырдатыахтаахпыт, устуоруйаҕа киллэриэхтээхпит, — диэн эттэ.
Светлана Диодорова-Лаврентьева, волонтер, Ил Түмэн бастайааннай кэмитиэтин ыстаарсай референэ:
— Мин бэйэм суруналыыс буоламмын, кинигэ хайдах сурулларын, оҥоһулларын билэбин. Маннык тиэмэни суруйар олус ыарахан. Бу кинигэҕэ кэрэхсии аахпытым элбэх. Харысхал хоһооннор киирбиттэрэ олус үчүгэй дии санаатым. Манна аныгы бэйиэттэр эрэ буолбакка, классик суруйааччыларбыт сүргэни көтөҕөр, санааны бөҕөргөтөр бастыҥ айымньылара киирбиттэрэ кэрэхсэбиллээх. Хоһоонунан айымньыны ааҕыы олох ураты буолар, — диэн туран, айымньылары ырытта.
Акулина Филиппова, »Айар» кыһа сүрүн эрэдээктэрин солбуйааччы:
— Биһиги кыһабытыгар патриотическай иитиигэ тиһиктээх үлэ ыытыллар. Биһиги биир дойдулаахтарбыт хорсун быһыыларын үйэтитэн, кинилэр холобурдарынан оҕолору иитиэхтээхпит. Пуонда этии киллэрбитин, үөрүүнэн өйөөбүппүт. Куонкуруска сүүрбэттэн тахса айымньы киирбитэ. Олус интэриэһинэй, Ийэ дойдуга тапталынан иэйэр, өйгө-сүрэххэ хатанан хаалар айымньылар киирбиттэрэ. Кинигэ 1500 ахсаанынан таҕыста, — диэн кэпсээтэ.
Ангелина Васильева.
Ааптар түһэриилэрэ.
Бүгүн, бэс ыйын 5 күнүгэр, Саха сирин сорох улуустарыгар кыралаан ардыыра, инчэҕэй хаар түһэрэ күүтүллэр…
Бу күннэргэ Үөһээ Бүлүү улууһугар «Көмүскэл» доруобуйаларыгар хааччахтаах оҕолоох төрөппүттэр түмсүүлэрэ оҕолоругар анаан кэнсиэр оҥордулар.…
Биир кэлим эксээмэҥҥэ быйыл бастакынан 100 баалы ылбыт оҕолор ааттара билиннэ. Кинилэр кимнээҕий? Химия биридимиэтигэр…
Өрүскэ айан саҕаламмытынан сибээстээн, кыра кээмэйдээх суудуналары өрүстэргэ, күөллэргэ ыытыы кэмигэр инникитин дьон-сэргэ тус олоҕор…
Госөҥөлөргө наадалаах ИТ- үөрүйэхтэргэ босхо тестированиены барар уонна РФ Цифровой сайдыыга министиэристибэтин официальнай сэртипикээтин ылар…
Таастаах диэн сиргэ "Амикан" этнография комплексын көрүү кэнниттэн, Нерюнгри оройуонун дьаһалтатын Олоҥхо ыһыаҕар эппиэттээх исписэлиистэрэ,…