Хаартыска: Андрей Сорокин, ЯСИА
Ис дьыала министиэристибэтин Дьокуускайдааҕы 4-с нүөмэрдээх полиция отделын дьуһуурунай чааһыгар суол быһылаана тахсыбытын туһунан иһитиннэрии киирбит.
Госавтоиниспиэксийэ үлэһиттэрэ быһылаан тахсыбыт сиригэр тиийбиттэрэ, «Toyota» мааркалаах массыына атын массыынаны кытта харсыспыт эбит. Уруулга 32 саастаах Өлүөхүмэттэн төрүттээх, массыына ыытар бырааба суох, өссө итирик туруктаах дьахтар олорор эбит.
Дьахтар бу массыынаны күрэтэн барбыта быһаарыллыбыт. Холуобунай ирдэбил үлэһиттэрэ быһаарбыттарынан, быһылаан тахсар күнүгэр, дьахтар билэр эр киһитин массыынатыгар утуйан хаалбыт. Эр киһи дьиэтигэр тиийэн, массыынатыттан тахсыбыт. Онуоха дьахтар уһукта биэрэн, эр киһитин кэтэһэ сатаан баран, дьиэтиттэн тахсыа суох быһыылаах диэн эбитэ дуу, суоппар миэстэтигэр көспүт уонна дьиэтин диэки айанната турбут. Ол айаннаан иһэн уруулун кыайан туппакка, суол саахалын таһаарбыт.
Билигин дьахтарга РФ Холуобунай кодексын 166 ыст. 1 чааһынан холуобунай дьыала көбүтүлүннэ.
Тохсунньу саҕаланыаҕыттан Дьокуускайга саастарын ситэ илик оҕолор уруулга олорон, иккитэ массыына саахалланыытын таһаардылар. Тохсунньу 8…
Бу көҕүлээһининэн Уопсастыбаннай балаата дьарыктана сылдьар. "Дьиэ кэргэн стипендията" ый аайы төлөнүөҕэ уонна тиийинэн олоруу…
Авиахампаанньалар кулун тутар 1 күнүттэн пассажирдарга эрдэттэн көтүү усулуобуйатын, билиэккэ киирбит уларыйыылар, көтүүттэн аккаастаныы уонна…
Уус Маайа улууһун борокуратуурата дьахтарга көрүллүбүт күһэлэҥ үлэни накаастабыл атын көрүҥүнэн солбуйар туһунан суут көрбүт…
Нам улууһун Аппааны сэлиэнньэтигэр “Култуура” национальнай бырайыагынан 2022 сыллаахха тутуллубут Култуура дьиэтигэр наадалаах малы-салы киинэни…
Арассыыйаҕа ипэтиэкэни хос аахтарыыга (рефинансированиеҕа) киирэр уларыйыылар олунньу 1 күнүттэн олоххо киириэхтэрэ – комбинированнай ипэтиэкэ…