Биир дойдулааҕыттан инбэлиитинэн биэнсийэтиттэн сыл устата уорбутун быһаарбыттар

ИДьМ сулууспатын Ньурба оройуонун отделын үлэһиттэрэ биир дойдулааҕыттан инбэлиитинэн ылар биэнсийэтин сыл устата уорбут урут сууттана сылдьыбыт 64 саастаах олохтоох киһини быһаардылар. Бу туһунан ИДьМ пресс-сулууспата иһитиннэрэр.

Эмсэҕэлээччи иккис группалаах инбэлиит эбит, кини билэр киһититтэн инбэлиитинэн биэнсийэтин оҥорууга көмөлөһөргө көрдөспүт.  Уорбаланааччы докумуоннары хомуйууга көмөлөспүт уонна саайтка тус кэбиниэт оҥорбут. Кэлин хара санаалаах  биэнсийэ счетугар киирэр кыахтаах буолан, сыл устата эмсэҕэлээбит киһи харчытыттан уора сылдьыбыт. Кини ити курдук барыта 170 тыһыынчаттан тахса солкуобайы уорбут. Уорбут харчыны уорбаланааччы тус наадатыгар туттубут.

Бу дьыаланан РФ Холуобунай кодексатын 3-с ыстатыйатынан («Уоруу») холуобунай дьыала тэрилиннэ, уорбаланааччы 6 сылга диэри болдьоххо көҥүлэ быһыллыан сөп.