Хаартыска: видеоттан скриншот.
Бэҕэһээ дойду бэрэсидьиэнэ Владимир Путин Курскайдааҕы кыргыһыыга кыайыы 80 сылыгар аналлаах кэнсиэр кэмигэр, Украинаҕа байыаннай эпэрээссийэ кыттыылаахтарыгар судаарыстыбаннай наҕараадалары туттарда.
Кинилэр кэккэлэригэр икки саха уола – Филипп Евсеев (Сунтаар) уонна Алексей Неустроев (Уус Алдан) үрдүк наҕарааданы иилинэр чиэстэннилэр. Кинилэргэ анаан биир дойдулаахтара хоһоон айбыттарын ааҕаргытыгар, киэн туттаргытыгар сүбэлиибит.
Киэн туттубут үрдээтэ
(Арассыыйа Дьоруойа Алексей Неустроевка ананар)
Аҕа дойду туһугар
Араллааҥҥа аттаммыт
Биир дойдулаах уоламмыт
Хотуулаахтык кыргыспыт.
Таптыыр-ахтар түөлбэбит,
Түөрт дьоруойдаах Тандабыт
Күн сиригэр аатырда,
Киэн туттуубут үрдээтэ!
Ааһа барбыт айдааҥҥа
Саха сирин ааттатта,
Кыдыйсыылаах киирсиигэ
Боотурдардыы охсуста.
Саха дьонун сүрэҕэр
Өрөгөйү үөскэтэн
Үүнэр эдэр көлүөнэ
Эрэллээҕин биллэрдэ.
Ыҥырыыга туруммут
Саха чулуу ыччатын
Өлөр өлүү тумуннун,
Оһол-саахал таппатын!
Валентина Комиссарова -Күлүмүрэ 6.08.23
Икки көмүс сулус
Икки көмүс сулус тэҥинэн
Саха норуотугар кылбайда,
Сүрэх битийэр тэбиитинэн
Дьол хараҕын уута сүүрдэ.
Саха чахчы уратытын,
Кыаҕын, өйүн-дууһатын,
Үс бүк үрдүгүн
Аан дойдуга арыйда.
Уруй-Айхал буоллун
Хорсун-хотой уоланнарга!!!
Махтал-таптал буоллун
Саха араҥаччы күүһүгэр!!!
Суруйдаана
23.08.23
Икки Дьоруой
Саха сирэ аатырда!
Суон сураҕа сураҕырда!
Аны биир да буолбатах —
Икки Дьоруой тэҥинэн!
Сэмэй саха ыалыттан
Дэриэбинэ сириттэн
Хорсун хоодуот уолаттар
Соһуттулар дойдуну!
Элбэх тылы эппэккэ,
Охсуммакка түөстэрин
Көрдөрдүлэр чулуу диэн
Хайдах буолар түгэнин!
Тирээн кэлбит иэдээнтэн
Сынтас гынан куоппакка
Саха төрүт мындырын
Туһаннылар түгэҥҥэ!
Эдэрдэрэ билбэтэ
Хааннарыгар баарынан
Хааннаах сиэмэх өстөөҕү
Самнардылар биир түгэн!
Уонна саха дьэ хайдах
Сэнэниэҕэй бэйэтин!
Сахатынан дьэ хайдах
Киэн туттубат буолуоҕай!
Чөрөс гынным бэл бэйэм!
Сэттэ уоммун умнаммын
Үөрэн саха былаахтаах
Сүүрэ тахсыах курдукпун!
ПОЛИНА ПОБЕДА
11.08.2023с.
ҮЙЭ САҤА ДЬОРУОЙА
/РФ Дьоруойа Алексей Неустроевка/
Дьоруой төрүүр түөлбэтэ
Дьикти тыыннаах Тандаҕа
Сүүрбэ биирис үйэҕэ
Төрдүс Дьоруой күөрэйдэ!
Таҥаратын дьиэтиттэн
Алгыс ылан аттаммыт
Аата-суола биллибэт
Уолтан Дьоруой таҕыста!
Сэттэ уон сыл устата
Убай-быраат дэммиттэр
Көһүппэтэх өттүттэн
Сэрии уотун ыстылар!
Уолуйбуттар, куоппуттар
Ахсааннара сөхтөрдө,
Өй да, үөрэх туппата —
Элбэх ыччат күрэннэ!
Оттон Танда ыччата
Үс дьоруойдаах дойдутун
Утумнаата, ааттатта!
Харса суоҕун көрдөрдө!
Сэмэй саха тыа ыала
Арбаммакка сиэрдээхтик
Ииппит хорсун уоллара
Көмүскээтэ дойдуну!
Тааҥка аата «Алёша»!
Уолбут аата Алёша!
Болгария сиригэр
Турар саллаат Алёша!
Үс төгүллээх Алёша
Дьиҥнээх чулуу ааттаах уол!
Төрүт дойдуҥ Тандаҕын
Аатын эбии киэргэттиҥ!
Үйэ саҥа Дьоруойа!
Танда төрдүс Дьоруойа!
Түөлбэҥ дьоно кэтэһэр —
Булгу тыыннаах эргиллээр!
ПОЛИНА ПОБЕДА
07.08.2023с.
Бу күннэргэ Саҥа дьыл сүпсүлгэнэ саҕаланаары турар буолан, ас ырыынактарыгар испииһэк тутуурдаах дьон үксээбит. Өрүс…
“Дьоруойдар кэмнэрэ” бырагыраамаҕа кыттар сайаапкалары почтанан ылыы саҕаланна. Бу -- бырагыраама иккис түһүмэҕэ. Сайаапкалары билигин…
LETO куорат эйгэтин тупсаҕай оҥоруу киинэ Сэбиэскэй Сойуус Дьоруойа Федор Попов пааматынньыгын эскииһин оҥорууга күрэс…
Бу сыл ахсынньы 11 күнүгэр Былатыан Ойуунускай аатынан судаарыстыбаннас түмэлигэр киэн туттар биир дойдулаахпыт, комсомольскай,…
Филиппиныттан уонна Таилантан ахсынньы 14 күнүгэр ыытыллар «Вызов Севера» күрэхтэһиигэ кыттар боксердар бүгүн Дьокуускайга саамай…
Саха сиригэр анал байыаннай дьайыы кыттыылаахтарыгар уонна кинилэр дьиэ кэргэттэригэр анаан "Е-Якутия" порталга «Забота» электроннай…