Биир дойдулаахтарбыт «Страну меняют люди» национальнай бириэмийэни ыллылар

«Аҕа дойду көмүскээччилэрэ» пуонда филиалын түһэриитинэн, биир дойдулаахтарбыт бастакы «Страну меняют люди» национальнай бириэмийэ лауреаттарынан буоллулар.

От ыйын 15 күнүгэр Москваҕа «Зарядье» кэнсиэртиир саалатыгар бэлиэ тэрээһин – Стратегический көҕүлээһиннэр ааҕыныстыбата бастакы Национальнай бириэмийэни туттарда. Лауреаттар истэригэр Саха сириттэн үс анал байыаннай дьайыыга сылдьан сырдык тыыннара быстыбыт буойуттар ийэлэрэ бааллар.

Зоя Жданова, «Аҕа дойду көмүскээччитэ» пуонда филиалын Өлүөхүмэ улууһунааҕы социальнай координатора, кини бэйэтин кыаҕынан олоҕун салгыыры эрэ буолбакка, атыттарга көмөлөһөр күүһү булбута. Кини көҕүлээһининэн улууска Дьоруойдар аллеялара баар буолбута. Онно баар хас биирдии дьаабылыка маһа дойдуларын иһин олохторун толук уурбут буойуннар тустарынан өйдөбүл буолар. «Өйдөбүл» диэн мемориальнай кинигэ оҥоһуллу сылдьар, ол кинигэҕэ Ийэ дойдуларын иһин сырдык тыыннарын биэрбит Өлүөхүмэ олохтоохторун ааттара үйэтитиллиэхтэрэ, ону таһынан «Дьоруой дьиэ кэргэнэ» бырайыак олоххо киириитэ салҕанар.

Светлана Диодорова-Лаврентьева, өрөспүүбүлүкэ бастакы волонтердарыттан биирдэстэрэ, анал байыаннай дьайыы саҕаланыаҕыттан гуманитарнай көмөнү хомуйуу уонна тиэрдии үлэтин тэрийбитэ. Кини дьулуурунан тыһыынчанан туонна наадалаах таһаҕас бааһырбыт буойуннарга госпиталга уонна байыаннай дьайыыга сылдьар тиийэр. Аҕа дойдуларын көмүскүү сылдьар уолтаттарга кини тиийиитэ эрэл уонна өйөбүл бэлиэтинэн буолар.

Жанна Грекова, идэтийбит педагог-психолог, «СВО буойуннарын өйдөбүлэ» Саха сирин дьиэ кэргэттэрин сойууһун салайааччыта. Бастакы уолун сүтэрэн баран, кини маннык кыһалҕаҕа түбэспит дьиэ кэргэттэри түмэргэ быһаарыммыта уонна бу уопсастыбаннай тэрилтэни олохтообута. Иккис уолун да сүтэрэн баран, Жанна Валентиновна күүстээх санаатынан, хаһыс да сылын сойууһу салайар, кини бары бырайыактарыгар бэйэтинэн кыттар. Кини салайыытынан тэрилтэ анал байыаннай дьайыыга чугас дьоннорун сүтэрбит уонунан ааҕыллар дьиэ кэргэттэргэ дьиҥнээх тирэҕинэн буолар.

Бу үс дьахтар, бэйэлэрин аһыыларын үтүөнү оҥорор күүстээх дьайыыга кубулуттулар. Кинилэр күннээҕи үлэлэрэ, бэйэни харыстаммакка, дьоҥҥо сылаас сыһыаннара, көмөлөһөр үлэлэрэ, үрдүк билиниини ылара сөптөөх. «Аҕа дойду көмүскээччилэрэ» пуонда филиала биир дойдулаахтарыгар дириҥ ытыктабылы биллэрэр уонна уопсай дьыалаҕа дьоһун кылааттарын иһин махтанар.

«Страну меняют люди» бириэмийэ Арассыыйа Бэрэсидьиэнэ Владимир Путин көҕүлээһининэн олохтоммута. Судаарыстыба баһылыга лауреаттары эҕэрдэлээн ыыппыт суругар:

Национальнай бириэмийэ Росконгресс Пуондатынаан холбоһон, РФ Оборонатын министиэристибэтэ, «Аҕа дойду көмүскээччилэрэ» пуонда уонна «Арассыыйа –дойду кыахтара» АХТ өйөбүллэринэн ыытыллар.