Ил Дархан, бырабыыталыстыба дьаһалтатын пресс-сулууспата.
Биир кэлим босуобуйа киириэҕиттэн, сэтинньи 2 күнүнээҕи туругунан, 104 568 оҕо төрөппүттэригэр уонна 4128 хат дьахтарга бэриллибит. Бу туһунан Социальнай пуонда Саха сиринээҕи салаатын салайааччы Марина Герман иһитиннэрдэ.
— Кинилэртэн биир кэлим босуобуйаны байыаннай дьайыы кыттыылаахтарын 541 дьиэ кэргэттэрэ (1010 оҕоҕо уонна 14 хат кэргэннэрэ) ылаллар. Биир кэлим босуобуйа төлөнөр буолуоҕуттан, барыта 12 миллиард 100 мөлүйүөн 500 тыһыынча солкуобай төлөннө. 91 %-тан тахса сайабылыанньа электроннай көрүҥүнэн бэрилиннэ, — диэн Марина Герман эттэ.
Босуобуйаны ыларга дьиэ кэргэн дохуота уонна дьарыктаах буолуута учуоттанар. Холобур, сыл устата төрөппүт үлэлээбэккэ олорбут буоллаҕына, бэриллибэт. Үлэлээбэтэх 12 ыйыттан 10 ыйа убаастанар биричиинэлээх буолуохтаах: оҕо көрөн олоруу, инбэлиити көрүү-харайыы, 3 ыйтан тохтоло суох эмтэнии, о.д.а.
Оттон байыаннай дьайыы кыттыылааҕын дьиэ кэргэттэригэр бу маннык биричиинэ ирдэммэт. Ону тэҥэ, аҕыйах ахсааннаах норуоттар бэрэстэбиитэллэрэ төрүт дьарыгынан дьарыктанар буоллаҕына, эмиэ учуоттаммат.
Сайабылыанньаны «Госуслуги» портал нөҥүө биэриэххэ сөп. Биир сайабылыанньаҕа хас да оҕону ыйыахха сөп.
Ил Дархан, бырабыыталыстыба дьаһалтатын пресс-сулууспата.
Национальнай сыаллары ситиһэргэ сыһыаннаах боппуруостар уонна систиэмэлээх соруктар бырабыыталыстыба, министиэристибэлэр уонна биэдэмистибэлэр, муниципальнай тэриллиилэр баһылыктарыттан…
Бу чааска Дьокуускай куорат мээрэ Евгений Григорьев суруналыыстары кытта көрсүһүүтэ буола турар. Мээр сыл аайы…
Судаарыстыбаннай Дуума элбэх кыбартыыралаах дьиэ сэбиэтин чилиэннэригэр баайы-дуолу көрүүгэ-харайыыга үлэ уонна өҥө толоруллуутун туһунан докумуоннарга…
Урут сууттана сылдьыбыт Дьокуускай олохтооҕо пневматическай бинтиэпкэни, бэстилиэти уонна унтууну кыбартыыраттан уоран тутулунна. Бу туһунан…
Ыраастааһын Сылгы сиэлин сэлээн баран, биир да мутуга суох ыраас синньигэс талаҕынан эбэтэр маһынан тэбиибит,…
«Аҕа дойдуну көмүскээччилэр» пуонда көмөтүнэн, байыаннай эпэрээссийэ бэтэрээннэрэ оҕолору уонна ыччаты патриотическай иитиигэ көхтөөхтүк кытталлар.…