https://www.sakha.gov.ru/
Саха сиригэр 52 595 төрөппүт уонна 2 359 оҕо күүтэр дьахтар биир кэлим босуобуйаны ылар. Бу сыалга Арассыыйа социальнай пуондатын Саха сиринээҕи салаата 2 млрд 243 мөл. солкуобайы ыыппыт. Пуонда салайааччыта Марина Герман бу туһунан муус устар 25 күнүгэр брифиҥҥэ иһитиннэрдэ.
“Төлөбүрү төрөппүт Госусулуги портал нөҥүө сайаапка түһэрэн ылар кыахтанар. Онтон атын сибидиэнньэлэр биэдэмистибилэр икки ардыларыгар хардарыта үлэнэн бэрэбиэркэлэнэллэр. 17 сааһын туола илик оҕолору биир сайабылыанньаҕа киллэриэххэ сөп, тус-туспа сайабылыанньа суруйар наадата суох”, — диэн быһаарар.
Биир кэлим босуобуйа көмөҕө наадыйар дьиэ кэргэҥҥэ урут туһаныллыбыт миэрэлэри солбуйар. Үс саастарын туола илик бастакы уонна үһүс оҕоҕо төлөбүр, 3 саастарыттан 8 саастарыгар диэри ыйдааҕы төлөбүр, 8 саастарыттан 17 саастарыгар диэри ыйдааҕы төлөбүр, уонна хат дьахталларга. Бу төлөбүргэ сыыйа көһүү бара турар, ол туһунан Социальнай пуонда салайааччыта сиһилии быһааран, холобурдаан биэрдэ. “Холобур, бастакы оҕоҕо төлөбүр билигин биир кэлим босуобуйаҕа киирсэр, саҥа быраабыланан төлөнөр. 2023 сыл иннинэ төрөөбүт оҕоҕо ананар төлөбүрдэри төрөппүт урукку быраабыланан ылыан сөп”.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…