Биир кэлим босуобуйаны тарҕатыыга — Сүбэ күнэ

Ахсынньы 4 күнүгэр РФ Социальнай пуондатын Саха сиринээҕин салаата кэлим босуобуйаны тарҕатыыга анал Сүбэ күнүн тэрийиэхтэрэ.

Бу күн ким биир кэлим көмөнү ылар бырааптааҕын, дьиэ кэргэн туохха наадыйыытыгар туох сыанабыл  оҥоһулларын, ханнык дохуот уонна баай учуоттанарын, регистрацияҕа ханнык докумуон ирдэнэрин, төлөбүр суумата хайдах ааҕылларын, сайабылыанньаны биэрэргэ үгэс буолбут алҕастары хайдах тумнуохха сөбүн туһунан уо.д.а. сүбэлэри биэриэхтэрэ.

Улуустар филиалларын тустаах исписэлиистэрэ үлэ бу көрүҥүн ахсынньы 5 күнүгэр ыытыахтара. Офистар аадырыстарын бу сигэнэн киирэн билсиҥ: https://sfr.gov.ru/branches/sakha/info/~0/7860.

Сиһилии: https://www.sakha.gov.ru/news/15494 билсиҥ.