Салгыы
Биир кэлим эксээмэн түмүгэ хаһан биллэр?

Биир кэлим эксээмэн түмүгэ хаһан биллэр?

05.06.2024, 13:00
Хаартыска: SakhaGov
Бөлөххө киир:

РФ Сыыппара сайдыытыгар, сибээс уонна маассабай коммуникациялар министиэристибэлэрэ иһитиннэрэринэн, эксээмэн үлэлэрэ бэрэбиэркэлэммитин кэннэ, оҕо төһө баалы ылбытын Судаарыстыбаннай өҥө порталыгар киирэн көрүөн сөп диэн иһитиннэрэр.

Санатан эттэххэ, быйыл барыта 7607 киһи биир кэлим эксээмэни туттарарын туһунан сайаапка ыыппыта, итинтэн 7075 оҕо оскуоланы быйыл бүтэрээччи.

Эксээмэн кэнниттэн түмүк ортотунан 10 күн иһинэн биллэр, ол эрээри, сороҕор эксээмэн былааҥкаларын бэрэбиэркэлииргэ уһун кэм ирдэнэр – 14 күҥҥэ диэри.

Былырыын биир кэлим эксээмэн түмүгүн түргэнник Судаарыстыбаннай өҥө (Госуслуги) порталынан билээри 1,2 мөл. оскуоланы бүтэрээччи туһаммыт. Эксээмэн түмүгүн 8 мөл. төгүл киирэн көрбүттэр.

Биир кэлим эксээмэн (ЕГЭ) түмүгэ быйыл бу ыйыллыбыт болдьоххо диэри биллиэҕэ:

— Бэс ыйын 6 күнэ – география, литэрэтиирэ, химия

— Бэс ыйын 14 күнэ – нуучча тыла, математика (судургутутуллубут)

— Бэс ыйын 17 күнэ – математика (уустугурдуллубут)

— Бэс ыйын 20 күнэ – обществознание, физика

— Бэс ыйын 20, 21 күннэригэр эксээмэн ыытыллыбыт күнүттэн тутулуктанан – информатика

— Бэс ыйын 26 күнэ – омук тыллара, устуоруйа, биология.

+1
3
+1
0
+1
0
+1
0
+1
0
+1
0
+1
1
Бары сонуннар
Салгыы
15 июля
  • 21°C
  • Ощущается: 21°Влажность: 64% Скорость ветра: 2 м/с

Сообщить об опечатке

Текст, который будет отправлен нашим редакторам: