Биир кэлим эксээмэн уонна сүрүн судаарыстыбаннай эксээмэн хаһан буолара бигэргэннэ

РФ Үөрэҕириигэ министиэристибэтэ уонна Үөрэҕи кэтээн көрөр федеральнай сулууспа, кэлэр сылга биир кэлим (11-с кылаас) уонна сүрүн судаарыстыбаннай (9-с кылаас) эксээмэннэр хаһан ыытыллалларын бигэргэттэ.

Биир кэлим эксээмэн сүрүн түһүмэҕэ (основной период):

Ыам ыйын 26 күнэ — география, литэрэтиирэ, химия;

Ыам ыйын 29 күнэ – нуучча тыла;

Бэс ыйын 1 күнэ — математика (судургутутуллубут уонна уустугурдуллубут);

Бэс ыйын 5 күнэ — устуоруйа, физика;

Бэс ыйын 8 күнэ — обществознание;

Бэс ыйын 13 күнэ – омук тыллара (суругунан), биология;

Бэс ыйын 16, 17 күннэрэ – омук тыллара (кэпсэтии);

Бэс ыйын 19, 20 күннэрэ — информатика.

Оскуоланы урукку сылларга бүтэрбиттэргэ сүрүн түһүмэх иннинээҕи түһүмэх (досрочный период) кулун тутар 20 күнүттэн саҕаланыаҕа уонна от ыйын 1 күнүгэр түмүктэниэҕэ.

Эрэсиэрбэ күннэрэ араас категорияларга муус устар 12 күнүттэн балаҕан ыйын 19 күнүгэри диэри барыаҕа.

Онтон кэллиэс устудьуоннара уонна дойду тас өттүгэр үөрэнээччилэр эксээмэни бэйэлэрин баҕаларынан сүрүн түһүмэх иннинэ (досрочный период) кулун тутар 20 күнүттэн муус устар 10 күнүгэр диэри туттарыахтарын сөп.

 

Сүрүн судаарыстыбаннай эксээмэн (ОГЭ):

Ыам ыйын 24 күнэ — устуоруйа, физика, биология;

Ыам ыйын 30 күнэ — обществознание, информатика, география, химия;

Бэс ыйын 2 уонна 3 күннэрэ – омук тыллара;

Бэс ыйын 6 күнэ – нуучча тыла;

Бэс ыйын 9 күнэ — математика;

Бэс ыйын 14 күнэ — литэрэтиирэ, физика, информатика, география;

Бэс ыйын 17 күнэ — обществознание, биология, химия.

Сүрүн судаарыстыбаннай эксээмэни туттарарга от ыйын 1 күнүгэр диэри араспысаанньаҕа эрэсиэрбэ күннэрэ быһаарыллыбыттар. Сүрүн түһүмэх иннинээҕи (досрочный период) эксээмэн муус устар 21 күнүттэн ыам ыйын 16 күнүгэр диэри, эбии түһүмэх (дополнительный) балаҕан ыйын 4-23 күннэригэр буолуохтара.