Хаартыска: Андрей Сорокин, СИА.
2022 сылга Саха АССР 100 сылынан биир кэлим эксээмэни 100 баалга суруйбут оҕолорго Ил Дархан Айсен Николаев 100 тыһ. солк. биир кэмнээх төлөбүрү олохтообута. Быйыл бу төлөбүр салҕаныаҕа. Ону таһынан 100 бааллаах оҕону бэлэмнээбит учууталлар эмиэ бириэмийэ ылыахтара.
Ол туһунан Айсен Николаев бүгүн, ыам ыйын 27 күнүгэр, Дьокуускай куорат 6 №- дээх оскуолатын бүтэһик чуораан бырааһынньыгар иһитиннэрдэ.
«Ааспыт сылга Саха АССР 100 сылынан биир кэлим эксээмэни 100 баалга суруйбут выпускниктарга 100 тыһ.солк. биир кэмнээх төлөбүрү олохтообутум. Барыта 22 оҕо маннык төлөбүрү ылбыта. Мантан ыла маннык төлөбүр мэлдьи баар буолуоҕа. Бу биһиги талааннаах оҕолорбутун өйүүр сөптөөх дьаһал буолуоҕа», — диэтэ Айсен Николаев.
Ону сэргэ, быйылгыттан 100 бааллаах оҕону бэлэмнээбит учууталлар биир кэмнээх төлөбүрү эмиэ ылыахтара. Муниципальнай тэриллиилэр уонна куорат уокуруктара учууталларга төлөбүрү бэйэлэрин көҕүлээһиннэрин биэрэргэ туруорустулар. Холобур, Дьокуускай учууталларыгар эмиэ 100 тыһ. солкуобай туттарыллыаҕа. Өрөспүүбүлүкэ атын оройуоннара төлөбүр сууматын бэйэлэрэ быһаарыахтара.
Бүгүҥҥүттэн Дьокуускай куоракка Саха Өрөспүүбүлүкэтин муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ саҕаланна. Сийиэс икки…
РФ билимин, үрдүк үөрэҕин министиэристибэтэ 2026-2027 үөрэх дьылыгар министиэристибэ иһинэн үлэлиир үрдүк үөрэх кыһаларыгар тутарсарга,…
Федеральнай ханаал бырагырааматыгар Саха сиригэр олорор дьахтар төрүүр дьиэҕэ оҕотун уорбуттарын туһунан кэпсээтэ. Бу түмүгүнэн…
- «Улуу Кыайыы айымньылара » рубрикаҕа сэрии дьон дьылҕатынан оонньуурун туһунан Прокопий Чуукаар «Дьол хараҕын…
Арассыыйа бэрэсидьиэнэ Владимир Путин «Сахатранснефтегаз» национальнай ньиэп уонна гаас хампаанньатыгар тус махталын биллэрдэ. Туһааннаах дьаһал…
Саха Өрөспүүбүлүкэтин култууратын уонна духуобунай сайдыыга министиэристибэтэ уонна Хомус Аан дойдутааҕы түмэлэ тэрийиилэринэн, 2025 с.…