Мария Васильева хаартыската, СИА.
Саха сирэ талааннаах ыччаты өйүүр миэрэлэри оннунан хаалларар, кэҥэтэр – биир кэлим эксээмэҥҥэ 100 баалы ылбыт оскуоланы бүтэрээччилэригэр төлөбүр салҕанар.
Аан бастакытын 100 тыһ. солк. кээмэйдээх биир кэмнээх харчынан бириэмийэни 2022 сыллаахха, Саха АССР үбүлүөйдээх 100 сылыгар олохтообуттара. Тустаах көҕүлээһин оҕолору үрдүк академическай түмүгү көрдөрүүгэ дьулуһалларыгар өйүүр.
2022-2024 сылларга харчынан бириэмийэни 100 баалы ылбыт 75 оскуола үөрэнээччитэ туппута. 2022 сыллаахха наҕарааданы 23 оҕо ылбыта, 2023 сыллаахха – 27, 2024 сыллаахха – 25. Кинилэргэ хас биирдиилэригэр 100 тыһ. солк. суумалаах биир кэмнээх төлөбүр бэриллибитэ.
Билигин тус биридимиэттэри талыыга эбии көҕүлүүр миэрэлэри ылынары толкуйдууллар.
«Биһиги оҕолору тус биридимиэттэри — физиканы, химияны, биологияны таларга көҕүлүүр сыаллаах эбии дьаһаллары үөрэтэбит. Бу улахан суолталаах, чуолаан, бу салааларынан инженерия, билим уонна технология кэскилэ үөскүүр, онно Саха сирэ сүҥкэн кыахтаах», — диэн Айсен Николаев бэлиэтээтэ. Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр.
Күммүт сырылаччы тыган, самаан сайыммыт тигинэтэн тиийэн кэллэ. Саха киһитэ сайыҥҥы күөххэ үктэнэн, кэрэ кэми…
Дьокуускайтан Орто Халыма улууһугар муус харыытын туоратар инниттэн дэлби тэптэрэр эбии баартыйаны ыыттылар. Бу туһунан…
Саха сиригэр барыта 309 сайылык тэриллибит, диэн Тыа хаһаайыстыбатын министиэристибэтигэр иһитиннэрдилэр. 255 сайылык механизацияламмыт, онтон…
Саха сиригэр күөххэ үктэммит бэлиэтэ - Ньукуолун бырааһынньыгын көрсөллөр. Бу күн бары кэриэтэ хаһаайкалар ас буһарар түбүккэ…
Бүтүн Арассыыйатааҕы төрөппүт кэмитиэтин IV мунньаҕар төрөппүттэр холбоһуктарын көҕүлүүр күөн күрэс иккис түмүгүн таһаардылар. Бэйэлэрин…
Уус Маайа олохтооҕо коллектордары утары дьыалаҕа кыайыылаах таҕыста. Киниттэн коллектордар 209 тыһыынча солкуобайы ирдээбиттэр. Суутунан…