Хаартыска: СИА.
Саха сирэ талааннаах ыччаты өйүүр миэрэлэри оннунан хаалларар, кэҥэтэр – биир кэлим эксээмэҥҥэ 100 баалы ылбыт оскуоланы бүтэрээччилэригэр төлөбүр быйыл салҕанар. Ити туһунан “Саха” ГТРК ханаалын “Прямой разговор” биэриитигэр Ил Дархан Айсен Николаев иһитиннэрдэ.
Аан бастакытын 100 тыһ. солк. кээмэйдээх биир кэмнээх харчынан бириэмийэни 2022 сыллаахха, Саха АССР үбүлүөйдээх 100 сылыгар олохтообуттара. Тустаах көҕүлээһин оҕолору үрдүк академическай түмүгү көрдөрүүгэ дьулуһалларыгар өйүүр.
“Биһиги оҕолор интэриэстэрэ түһүүтэ бэлиэтэнэр физика, химия, биология биридимиэттэрин талалларыгар эбии көҕүлүүр миэрэлэри көрөбүт. Бу суолталаах, чопчу бу эйгэлэртэн Саха сирэ үгэс быһыытынан күүстээх уонна улахан кыахтаах инженерия, билим уонна технология хайысхалара түмүллэн тахсар” – диэн Айсен Николаев бэлиэтиир.
Ил Дархан айдарыылаах оҕолору өйөөһүн өрөспүүбүлүкэҕэ интеллектуальнай кыаҕы уонна билим-тиэхиньиичэскэй хамсааһыны сайыннарыы уһун кэмнээх сүрүн соругун чааһынан буоларын, бу эрэгийиэн социальнай-экэнэмиичэскэй өттүнэн бөҕөргүүрүгэр көмөлөһөрүн ыйар.
2022-2024 сылларга харчынан бириэмийэни 100 баалы ылбыт 75 оскуола үөрэнээччитэ туппута. 2022 сыллаахха наҕарааданы 23 оҕо ылбыта, 2023 сыллаахха – 27, 2024 сыллаахха – 25. Кинилэргэ хас биирдиилэригэр 100 тыһ. солк. суумалаах биир кэмнээх төлөбүр бэриллибитэ.
Бу туһунан Ил Дархан уонна Бырабыыталыстыба пресс-сулууспата суруйар.
Мэҥэ Хаҥалас улууһа урукку сэбиэскэй кэмтэн нэһилиэктэринэн культура уонна спорт бэстибээлин ыытар үтүө үгэстээх. Майа…
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…