Биир кэлим эксээмэни 12 оҕо 100 баалга туттарда

“Биир кэлим эксээмэн бастакы түмүктэрэ билиннэ. Түмүк үөрдэр – 12 оҕо эксээмэни 100 баалга туттарда” – диэн Ил Дархан Айсен Николаев тус телеграмыгар санаатын үллэстэр.

Биир кэлим эксээмэни 100 баалга туттарбыт оҕолор ааттара:

Литэрэтиирэҕэ:

— Айталыына Гоголева, Бүлүү улууһун С.Ф.Гоголев аатынан Хампа орто оскуолата,

— Арина Терентьева, Мэҥэ Хаҥалас улууһун Хаптаҕай орто оскуолата,

— Анастасия Жирякова, Дьокуускай куорат 33-с нүөмэрдээх орто оскуолата,

— Ксения Луценко, Нерюнгри куорат 2-с нүөмэрдээх орто оскуолата,

— Михаил Лукачевскай, өрөспүүбүлүкэтээҕи лиссиэй-интэринээт,

— Нюргуяна Макарова, Мэҥэ Хаҥалас улууһун И.Г.Тимофеев аатынан Майа лиссиэйэ,

— Самира Фахретдинова, Миринэй улууһун Л.А.Попугаево аатынан 19-с нүөмэрдээх орто оскуолата,

— Сергей Зарубин, Дьокуускай куораттааҕы классическай гимназия,

— Элеонора Горнакова, Дьокуускай куорат 29-с нүөмэрдээх орто оскуолата.

Литэрэтиирэҕэ өссө 19 үөрэнээччи 90-тан тахса баалы ылбыт.

Географияҕа:

— Сергей Куркутов, Дьокуускай куораттааҕы лиссиэй.

Тустаах биридимиэти түөрт оҕо 90-тан тахса баалга туттарбыт.

Химияҕа:

— Артур Кувандыков, Нерюнгри куорат 2-с нүөмэрдээх гимназията,

— Юрий Марков, Нам 2-с нүөмэрдээх орто оскуолата.

Оттон 19 үөрэнээччи 90-тан тахса баалга, үс үөрэнээччи 99 баалга суруйбуттар.

“Ис сүрэхпиттэн оҕолору, учууталлары уонна төрөппүттэри ситиһиилэринэн эҕэрдэлиибин. Саха сирэ эһигинэн киэн туттар!” – диэн Ил Дархан үөрүүтүн биллэрэр. Манна даҕатан эттэххэ, биир кэлим эксээмэни 100 баалга туттарбыт оҕолорго иллэрэ сылтан Ил Дархан 100 тыһ. солк. суумалаах бириэмийэтэ туттарыллар.

СӨ Үөрэҕи уонна билими кэтээн көрөр киин иһитиннэрбитинэн, тустаах биридимиэттэргэ быйылгы биир кэлим эксээмэн орто баала ааспыт сыллааҕар лаппа үрдээбит, химияҕа уонна географияҕа алын баалы ылбатах оҕо ахсаана аҕыйаабыт.