Биир кэлим эксээмэни суох гымматтар

Арассыыйа Болоноскай систиэмэттэн тахсар диэн иһиллиэҕиттэн, биир кэлим эксээмэни суох гыналлар үһү диэн этиини элбэхтик истэр буоллубут. Ол эрээри, биир кэлим эксээмэни тохтоппотторун туһунан дойдуга үөрэҕи кэтээн көрөр сулууспа салайааччыта бэйэтинэн этэн турар.

“Биир кэлим эксээмэни (ЕГЭ) көтүрэр туһунан ырытыы суох. Тоҕо диэтэххэ, кэпсэтии үрдүк үөрэх туһунан, үрдүк үөрэх систиэмэтигэр уларытыылары киллэрии туһунан барбыта. Болонскай систиэмэни биир кэлим эксээмэни кытта бутуйаллар”, — диэн Үөрэҕи уонна билими кэтээн көрөр федеральнай сулууспа салайааччыта Анзор Музаев иһитиннэрэн турар.

Музаев быһаарбытынан, биир кэлим эксээмэни көннөрү ылан суох оҥоруу туһунан этии туох даҕаны суолтата суоҕун, ол эрээри, биэдэмистибэ бары ыллыктаах этиилэри уонна эксээмэн билигин ыытыллар бэрээдэгин туһунан кириитикэни истэргэ бэлэмнэрин эппитэ.

Онон биир кэлим эксээмэн суох буолар диэн эрэммэтэх, ол оннугар эксээмэҥҥэ күүскэ бэлэмнэммит  ордук.