Бүгүн РФ биэнсийэҕэ пуондатын Саха сиринээҕи салаата 2022 сыл барыллаан түмүгүн таһаарар. Управляющай Георгий Степанов суруналыыстар ыйытыыларыгар хоруйдууругар тохсунньуттан ананыахтаах саҥа босуобуйа туһунан кэпсээтэ.
“Биэнсийэ пуондата атын социальнай эбэһээтэлистибэлэри эмиэ толордо. Ол иһигэр социальнай көмүскэл уорганыттан бэриллибит боломуочуйалары. Ыам ыйын 1 күнүттэн РФ бэрэсидьиэнин ыйааҕын олоххо киллэриигэ олоҕуран, оҕолоох кыра дохуоттаах төрөппүттэргэ, дьиэ кэргэҥҥэ эрэгийиэҥҥэ ыйыллыбыт тиийинэн олоруу алын кээмэйиттэн 50-100% ыйдааҕы төлөбүр көрүллэр. Босуобуйа кээмэйэ араас, ыал дохуотуттан тутулуктаах. Саамай кыра кээмэйэ 11 тыһ. солк., муҥутуур кээмэйэ 25,5 тыһ. солк. (хотугу улуустарга) тэҥнэһэр. Ол эбэтэр 8-17 диэри саастаах үс оҕолоох ыал ый аайы 76 тыһ. солк. ылар кыахтаах”, — диэн эттэ.
2023 сылтан биир кэлим (единэй) саҥа босуобуйа киирэр. “Бу саҥа босуобуйаҕа сайабылыанньаны тохсунньуттан судаарыстыбаннай өҥө порталын нөҥүө эбэтэр социальнай пуонда клиентскэй сулууспаларыгар суруйуохха сөп. Билиҥҥи туругунан 50 тыһ. тахса оҕо бу босуобуйалары ыла сылдьар. Анаммыт болдьохторо бүтүөр диэри төлөнүөхтэрэ. Бу 50 тыһ. тахса оҕо төрөппүтэ бары тохсунньуга кэлэн саҥа сайабылыанньаны суруйуҥ диэн ирдэммэт. Босуобуйаларын болдьоҕо түмүктэннэҕинэ биирдэ кэлиэхтэрин сөп”, — диэн быһаарда. Тустаах босуобуйаҕа ыал дохуота, баайа-дуола учуоттанарын иһитиннэрдэ.
Бу ый саҥатыгар Норуоттар икки ардыларынааҕы “Саха сирин бриллианнара” хаар уонна муус оҥоһук бэстибээлигэр араас…
Ааһан эрэр 2025 сыл Өймөкөөн улууһун олохтоохторугар айылҕа иэдээнэ -- алдьатыылаах халаан үгүс хоромньуну оҥорон,…
Саҥа дьылга эҕэрдэлэһэн буостанан аккырыыкка ыытыһар үтүө үгэс баара. Ол аныгы үйэҕэ уларыйан турар. Ол…
Саҥа дьыл үүнэр түүнүгэр оҕолуун-уруулуун бары туох эмит дьиктини, уратыны, аптааҕы күүтэбит. Чаһы кураана охсорун…
Бэйэлэрин норуоттарыгар үгүс дьоһуннаах айымньылары хаалларбыт суруйааччылар ааҕааччы өйүттэн-санаатыттан сүппэттэр, кинилэр үлэлэрэ көлүөнэттэн көлүөнэҕэ тириэрдиллэн,…
СӨ Доруобуйа харыстабылыгар министиэристибэтэ мэдиссиинэ тэрилтэлэрин бырааһынньыктааҕы уонна өрөбүл күннэргэ -- ахсынньы 31 күнүттэн тохсунньу…