Хаартыска СӨ Бырабыыталыстыбатын пресс-сулууспатыттан
Арассыыйа Бэрэсидьиэнин иһинэн СӨ Бастайааннай бэрэстэбиитэлэ, Саха сиринээҕи биир кэлим сүрүннүүр киин салайааччыта Андрей Федотов уочараттаах брифиҥҥэ байыаннай дьайыыга сырыытын түмүгүн, Докучаевскайга үлэ былаанын – Саха сирэ ДНӨ саҥа көмөлөһүөхтээх куоратыгар былаанын туһунан кэпсээтэ.
«Тирэх пууннар үлэһиттэрин кытары бииргэ байыаннай дьайыы бара турар лииниьийэлэринэн, Херсонтан уонна Геническтан саҕалаан Сватово уонна Харьков уобалаһын хайысхатынан сырыттыбыт. Онно билигин биһиги боотурдарбыт үлэлии сылдьаллар, — диэтэ Биир кэлим сүрүннүүр киин салайааччыта. — Биһиги байыастарбытын уонна байыаннай салаалар хамандыырдарын кытары элбэхтик көрүстүбүт, кинилэри туох интэриэһиргэтэрин, туох наадатын дьүүллэстибит, ону сэргэ байыаннай чаастары хааччыйыы уонна Саха сириттэн тиийбит байыаннай уонна анал тиэхиньикэни туһаныы боппуруостарын тула кэпсэттибит».
Кини ону сэргэ – Докучаевскай куораты кытта сибээһи олохтоон көмөлөһөр буолбуттарын, өрөспүүбүлүкэ сыл саҥатыттан үлэтин саҕалаабытын иһитиннэрдэ.
«Докучаевскай куораттааҕы уокурук – Докучаевскай уонна Еленовка бөһүөлэги киллэрэн туран, 12 нэһилиэнньэлээх пууннаах. Бу уруккута байыаннай дьайыы буолуон иннинэ араарар лииньийэ баар, Волновахскай оройуон сирэ этэ. Куорат уокуругун сирин-уотун уһук туочукатынан – байыаннай дьайыы бара турар лииниьийэтиттэн 6-7 км ыраах сытар кыра Сигнальнай бөһүөлэк буолар. Бу барыта, биллэн турар, куорат олоҕор уонна чөлүгэр түһэрэр үлэҕэ ураты сыһыаны эрэйэр. Итинэн Докучаевскай урут үлэлээбит Кировскайтан улаханнык уратылаһар», — диэтэ Андрей Федотов.
СӨ Бырабыыталыстыбатын уонна Докучаевскай куораттааҕы уокурук дьаһалтатын икки ардыларыгар бииргэ үлэлээһин туһунан сөбүлэһии 2024 сыл тохсунньу 23 күнүгэр илии баттаммыта.
Андрей Федотов Докучаевксайга сүрүн кыһамньыларын Украина өттүттэн ытыалааһыҥҥа улаханнык эмсэҕэлээбит олорор дьиэлэри чөлүгэр түһэриигэ ууруохтарын, куорат киин балыыһата олус мөлтөх туруктааҕын эттэ. Чуолаан, доруобуйа харыстабылын эбийиэктэрин чөлүгэр түһэрии үлэтэ барыа, рентгенодиагностическай кэбиниэтинэн хааччыллыа. Оттон Еленовка бөһүөлэгэр элбэх өҥөнү оҥорор киин баар буолуо. Андрей Федотов бэлиэтээбитинэн, бу дьон олоҕун таһымын орто таһымҥа чугаһатарга көмөлөһүөҕэ.
Арассыыйа Бэрэсидьиэнэ Владимир Путин туох баар былааннар «холбоһуктаах күүһүнэн» олоххо киириэхтээхтэрин ыйбыта. Дойду эрэгийиэннэрэ ДНӨ, ЛНӨ, Запорожье уобалас нэһилиэнньэлээх пууннарыгар быһаччы өйөбүлү оҥороллор диэн СӨ Баһылыгын уонна Бырабыыталыстыбатын пресс-сулууспата иһитиннэрэр.
«Арассыыйа саҥа субъектары салгыы сайыннарар усулуобуйаны тэрийэргэ дьулуһар. Саҥа эрэгийиэннэри сайыннарыы бастакы түһүмэҕинэн кинилэр бүтүн дойду социальнай характердаах боппуруостарыгар ситиһиилэрэ, чуолаан, мэдиссиинэ, үөрэхтээһин, инфраструктураны чөлүгэр түһэрии уонна сайыннарыы буолуоҕа», – диэн Арассыыйа Бэрэсидьиэнэ Владимир Путин соругу туруорбута.
Саха сиригэр национальнай бырайыактары олоххо киллэриитин алта сыл иһигэр 170 эбийиэк тутулунна: 44 оскуола, 24…
Хаҥалас оройуонугар ДПС инспектордара трассаҕа умуллубут массыыналаах суоппар кыыска көмө оҥордулар. Томороон тымныыларга массыына айаннаан…
Саҥа сылга үктэнээт, киин куоракка култуура кииннэригэр, тыйаатырдарыгар араас ис хоһоонноох дьон сынньалаҥар туһуламмыт тэрээһиннэр…
Тохсунньу 5 күнүгэр социальнай ситимнэринэн Кириэмилгэ Арассыыйа Дьоруойа аатынан Муома улууһуттан Сааһыыр олохтооҕун наҕараадалыахтара диэн…
Эдьигээн оройуонугар аварийнай-чөлүгэр түһэрэр үлэни ыытыыга Ил Дархан Айсен Николаев ахсынньы 5 күнүгэр киэһэ ыксаллаах…
Бүгүн эрэл, таптал уонна үөрүү күнэ. Чугас дьоҥҥутун кытта бииргэ буолуҥ, үтүө санааҕытын кытта үллэстиҥ.…