«Биир кэлим төлөбүр докумуона»: ОДьКХ өҥөлөрүн биир сиргэ төлөөҥ!

СӨ ОДьКХ министиэристибэтэ «Биир кэлим төлөбүр докумуонун сервиһа» подсистеманы киллэриигэ уонна кэҥэтиигэ үлэтин салгыыр.

Биир кэлим төлөбүр докумуона – бу Саха сирин олохтоохторо ОДьКХ өҥөлөрүн барытын «биир сиргэ» онлайн уонна куттала суох төлүүллэригэр көмөлөһөр сервис.

Сервис Саха сирин элбэх оҕолоох ыалларыгар ОДьКХ өҥөлөрүн төлөбүрдэригэр 30 бырыһыаннаах чэпчэтиинэн туһанар ньыманы судургутутар. Дьиэлэрин аадырыһа сервиска киллэриллибит гражданнарга араас кумааҕы кибитээнсийэлэри хомуйар наадата суох – бары дааннайдар систиэмэҕэ бааллар.

Eyakutia.ru порталга «Биир кэлим төлөбүр докумуона» бары хомунаалынай өҥөлөрү биир сиргэ онлайн төлүүргэ кыах биэрэр. Сервиска https://e-yakutia.ru/#/ultrapayment сигэнэн киириэххэ сөп, онно эһиги бары өҥөлөрү төлүүр, ааҕар-суоттуур прибор көрдөрүүлэрин биэрэр, төлөбүрдэргит устуоруйаларын көрөр уонна сиһилии кибитээнсийэлэри ылар кыахтааххыт. Сервиһинэн туһанарга «Госуслуги» портаал нөҥүө киириҥ, дьиэҕит аадырыһын эбиҥ уонна бары өҥөлөрү судургутук уонна түргэнник төлөөҥ.

Сервис каассаларга сылдьартан  босхолуур, хомунаалынай төлөбүрдэри судургу уонна табыгастаах оҥорор. Биир кэлим төлөбүр докумуона ОДьКХ өҥөтүн оҥорон таһаарааччылар киллэрбит сирэй-счеттарын уоннa төлөбүргэ дааннайдарыгар олоҕуран оҥоһуллар.