Саха Өрөспүүбүлүкэтин Ил Дархана Айсен Николаев дойду бэрэсидьиэнэ Владимир Путины кытары видео-сибээһинэн кэпсэттэ.
Айсен Николаев кэпсэтиигэ тутуу боппуруоһугар тохтоото.
Ол курдук, биир күн өрөспүүбүлүкэ куораттарыгар уонна улуустарыгар 12 эбийиэк тутуллан үлэҕэ киллэриллибитин туһунан иһитиннэрдэ. Маннык бэлиэ күн кулун тутар кулун тутар 12 күнүгэр буолбута.
—Бу поликлиника, успуорт комплекстара, балыыһа, оскуолалар, ОДьКХ эбийиэктэрэ, хаарбах дьиэттэн дьону көһөрүү бырагырааматынан тутуллубут элбэх кыбартыыралаах дьиэлэр. Арктика оройуонугар кытары тутуу киирдэ, — диэтэ кини. Тутуу үлэтэ бары хайысхаҕа тиһиктээхтик салҕанарын эттэ.
Быйыл Муусука үрдүкү оскуолата тутуллан саҕаланыаҕын эттэ. Бу тутууга федеральнайтан үбүлээһин кэлэригэр эрэнэрин биллэрдэ. Итини сэргэ, Айсен Сергеевич соторутааҕыта бу Муусука үрдүкү оскуолатыгар сылдьыбытын, онно оҕолор Владимир Путины выпускной кэнсиэрдэригэр күүтэллэрин эппиттэр уонна илдьиттэрин тиэрдэригэр көрдөспүттэрин эттэ.
Хаарбахтан саҥаҕа дьону көһөрүүгэ 715 тыһ.кв. м. национальнай бырайыагынан тутуллубутун, аны 300 тыһ. кэриҥэ кв.м. тутуллара хаалбытын эттэ. Маныаха хаарбахтан саҥаҕа 40 тыһ.киһини көһөрүллүбүт. Өссө 20 тыһ. киһи көһүөхтээҕин бэлиэтээтэ.
Этиилэр, туруорсуулар болҕомтону тартылар.
Бу күннэргэ Мэҥэ Хаҥалас улууһугар Сыымахха командировкаҕа сылдьан, киһи кэрэхсиир түгэнин көрөн, сырдатарга сананным. Васильевтар…
Көрсүһүүгэ сүрүн болҕомто Саха сиригэр национальнай бырайыактары уонна РФ Бэрэсидьиэнин сорудахтарын олоххо киллэриигэ уурулунна. "Айсен…
Аҕа дойдуну көмүскүүр сэрии уустук сылларыгар тыыл үлэтэ байыаннай балаһыанньа ыйарынан былааннанара. «Барыта фроҥҥа, барыта…
Маны билэҕит дуо? Куоска минньигэс амтаны билэр дуо? Оттон саамай улахан кинигэ төһө ыйааһыннаах буолуо…
Бүгүн, ахсынньы 11 күнүгэр, Бырабыыталыстыба дьиэтигэр, Өрөспүүбүлүкэ саалатыгар "Мин Сахам сирэ XXI үйэҕэ" үтүө дьыала…
2024 сылга Саха сиригэр «Безопасные качественные дороги» бырагырааманан алта муостаны туттулар. Бу туһунан массыына суолун…