Хаартыска Дьокуускай куорат судаарыстыбаннай автоинспекциятыттан
Атырдьах ыйын 16 күнүгэр түүн биир чаас саҕана Дьокуускай куорат 203 түөлбэтин 30 №-дээх куорпуһун таһыгар 16 саастаах оҕо «RegulMoto Sport» матасыыкылы ыытан иһэн, Чернышевскай уулуссатыттан Ларионов уулуссатын диэки айаннаан иһэн, хаҥас диэки туораан эрэр «Toyota Premio» массыынаны кытта харсыспыт. Суол-тырааныспар саахалын түмүгэр матасыыкылга олорсон испит 16 саастаах кыыс эчэйбит.
Дьокуускай уулуссатын 27-с №-дээх дьиэтин таһыгар биллибэт массыына «Toyota Corolla» массыынаны саайбыт. Ол кэннэ суол быраабылатын кэһэн, саахал буолбут сириттэн күрээбит. Суол-тырааныспар саахалын түмүгэр «Toyota Corolla» массыынаҕа олорсон испит 9 саастаах оҕо эт-хаан эчэйиитин ылбыт.
Ол күн киэһэ 17 чаас саҕана Судаарыстыбаннай автоинспекция дьуһуурунай бөлөҕөр Бүлүүлүүр суол 47-с км (сынньанар бааза) суол быһылаанын туһунан иһитиннэрии киирбит. Быһылаан буолбут сиригэр кэлбит Судаарыстыбаннай автоинспекция үлэһиттэрэ 17 саастаах эдэр уол, «Zhufeng» электроскутерынан сабыылаах территорияҕа айаннаан иһэн, 5 саастаах оҕону түҥнэри көппүтүн быһаардылар. Кыра оҕо быһылаан түмүгэр эчэйиини ылбыт.
Эмиэ ол киэһэ 22 чаас саҕана Лермонтов – Короленко уулуссаларын быһа охсуһуутугар 37 саастаах суоппар уҥа диэки эргийээри, 1993 уонна 2017 сыл төрүөх, сатыы хааман испит оҕолору түҥнэри көппүт. Суол быһылааныгар түбэспит оҕолору суһаллык балыыһаҕа киллэрдилэр, кинилэр эт-хаан араас эчэйиитин ылбыттара быһаарылынна.
Бу тахсыбыт суол быһылааннарынан бэрэбиэркэ ыытллар диэн Дьокуускай куорат Судаарыстыбаннай автоинспекцията иһитиннэрэр.
Быйылгы үөрэххэ киирии түмүгүнэн, бүддьүөт миэстэтигэр 3000-ттан тахса оҕо үрдүк үөрэххэ киирдэ. Оттон Арктическай судаарыстыбаннай…
Атырдьах ыйын 16 күнүгэр 00:04 чааска СӨ Быыһыыр сулууспатыгар Дьокуускайга Хаҥалас тумуһун диэки 1997 с.т.…
СӨ Үлэҕэ уонна социальнай сайдыыга министиэристибэтэ "Оҕолору оскуолаҕа бэлэмниибит" аһымал аахсыйаны саҕалаабыта. Хомуллубут мал-сал тулаайах…
"Аҕа Дойдуну көмүскээччилэр" судаарыстыбаннай пуонда Дьокуускайдааҕы филиалын үлэһиттэрэ байыаннай дьайыы бэтэрээнэ Давид Малеевка Мэҥэ Хаҥалас…
Кылгас сайыннаах Сахабыт сиригэр оҕуруот аһа күһүн ордук дэлэйэр. Ким эрэ бэйэтэ үүннэрэр, ким эрэ…
Уус Маайа улууһугар полицияҕа олохтоох киһи счетуттан харчытын уорбуттарын туһунан иһитиннэрбит. Бу туһунан СӨ ИДьМ…