Биир күн иһигэр массыына, чааһынай дьиэ умайда

Кэлиҥҥи кэмҥэ ордук кыһыҥҥы өттүгэр, массыына умайыыта элбээтэ.

ЫБММ Саха сиринээҕи кылаабынай управлениета иһитиннэрбитинэн, олунньу 11 күнүгэр, сарсыарда  09:07 ч. Дьокуускай куорат баһаарынай-быыһыыр сулууспатыгар Намныыр суол 26 км Тойота Витс массыына умайан эрэрин туһунан иһитиннэрии киирбит.

9 мүнүүтэнэн  ыйыллыбыт миэстэтинэн баһаарынайдар тиийбиттэр. Быһылаан  тахсыбытыгар  ким да эчэйбэтэх.  1 кв м мотуор отсега умайбыт.

Барыллааһын быһыытынан массыына мотуоругар электропроводкалар  самыкаанньалаан умайыы тахсыбыт.

Эмиэ бүгүн, сарсыарда  10:04 чааска, баһаарынай-быыһыыр сулууспаҕа  киин куоракка  Можайскай уулуссаҕа баар чааһынай дьиэ умайан эрэрин туһунан иһитиннэрии киирбит.

Дьиэ 30 кв м уокка былдьаммыт.  Барыллааһын быһыытынан ититэр тэрил  самыкаанньалаан, баһаар тахсыбыт.  Билигин хоромньу кээмэйин, буруйдааҕы  быһаарыллар.