Биир күҥҥэ — икки баһаар

Бэҕэһээ Ньурба улууһугар  икки баһаар таҕыста. Бу туһунан улуус дьаһалтатын пресс-сулууспата иһитиннэрдэ.

Тохсунньу 15 күнүгэр 21.01  чааска баһаарынай-быыһыыр сулууспаҕа Ньурба куоракка Дальнай Убоян уулуссаҕа  чааһынай гараас умайан эрэрин туһунан суһал иһитиннэрии киирбит. Аҕыйах мүнүүтэнэн баһаарынайдар ыйыллыбыт аадырыһынан тиийбиттэр.  Ол кэмҥэ гараастан буруо тахса турар эбит.  Баһаары умуруорууга И.И. Созонов салайыытынан 4 киһи уонна икки тиэхиньикэ үлэлээн, 21 чаас 23 мүнүүтэҕэ умуруорбуттар.  Тутууну быыһаабыттар.  Тойота Ланд Крузер уонна Тойота Спасио массыыналар  уоттан  кээһэннилэр.

Билигин баһаар тахсыбыт төрүөтүн быһаараллар.

Эмиэ бу күн Ньурбачааҥҥа гараастаах дьиэҕэ умайыы тахса сырытта.