Биир күҥҥэ оҕолор эчэйиилээх үс суол быһылаана таҕыста

Атырдьах ыйын 26 күнүгэр Дьокуускайга, күнүс 14.00 ч. Хабаров аатынан уулусса 19/4 №-дээх дьиэ таһыгар,  50 саастаах оптуобус суоппара тохтобулга дьону таһаартаары, оптуобус  ааныгар тахсан иһэр оҕо атаҕын кыбыппыт. Ол түмүгэр сааһын ситэ илик оҕо тоҥолоҕун уонна тобугун эчэппит.

Бу күн Лермонтов аатынан уулуссаҕа баар дьиэ тиэргэнигэр, «Инфинити» массыына 28 саастаах суоппара самокатынан хатааһылыы сылдьар 4 саастаах оҕону түҥнэри көппүт.  Улахан эчэйиини ылбыт оҕону балыыһаҕа илдьибиттэр.

Эмиэ бу күн киэһээ 19.00 ч. саҕана  Ларионов аатынан уулуссаҕа икки оптуобус харсыспыт. Онно сааһын ситэ оҕо эчэйии ылан, түөһүн уҥуоҕун тоһуппут.

ГИБДД үлэһиттэрэ суолга сэрэхтээх буоларга ыҥыраллар.