Биир нэдиэлэ иһигэр байыастарга 100-тэн тахса баһыылка тиэрдилиннэ

Байыаннай дьайыы зонатыгар Саха сирин тирэх пууннарын үлэһиттэрэ, биир нэдиэлэ иһигэр 23 сырыыны оҥорон, эпэрээссийэ байыастарыгар өрөспүүбүлүкэттэн 100-тэн тахса аадырыстаах баһыылканы тиэртилэр.

Бу туһунан нэдиэлэтээҕи брифиҥҥэ өрөспүүбүлүкэ тирэх пууннарын сүрүн координатора «Юстас» позывнойдаах иһитиннэрдэ.

«Ону таһынан, бу күннэргэ ДНӨ-гэр баар тирэх пууҥҥа Саха сириттэн гуманитарнай көмө саҥа партиятын аҕалбыт автофургон кэллэ. Бу фургонунан биһиги байыаннай сулууспалаахтарбытыгар үс массыына эмиэ аҕалылынна. Тирэх пуун мэхээньиктэрин бөлөҕө түөрт «Сокол» квадроциклы өрөмүөннээтэ, баазаҕа өссө түөрт тырааныспар өрөмүөнэ салҕанар», – диэн спикер кэпсээтэ.

Итини таһынан, биир чэпчэки массыына, тиэхиньикэҕэ саппаас чаастар, БПЛА, радиоэлектроннай тэриллэр бэрилиннилэр, диэн өрөспүүбүлүкэ тирэх пууннарын сүрүн координатора «Юстас» позывнойдаах иһитиннэрдэ.