Хаартыска: "Биир ньыгыл Арассыыйа" саайта
«Биир ньыгыл Арассыыйа» баартыйа норуодунай бырагыраамата олох бары хайысхаларын таарыйан, кыһалҕалары быһаарарга туһуланар. Саха сиригэр баартыйа 17 бырайыага олоххо киирэр, итилэртэн 3-һэ — эрэгийиэннээҕи буолар, ол эбэтэр, өрөспүүбүлүкэ олохтоохторо көҕүлээбиттэр. Бу туһунан «Биир ньыгыл Арассыыйа» баартыйа салаатын сэкирэтээрин бырайыактыыр үлэҕэ солбуйааччыта Иван Луцкан кэпсээтэ.
Иван Луцкан этэринэн, баартыйа бырайыактара аһаҕас буоланнар, Саха сирин олохтоохторо өйүүллэр уонна көхтөөхтүк олоххо киллэрэргэ көмөлөһөллөр.
Баартыйа «За самбо» бырайыагынан, Дьокуускайга Губин уулуссатыгар самбо оскуолата тутулла турар. «Азия оҕолоро» оонньууларга диэри эбийиэк тутуллан киириэҕэ. Бу баартыйа тутууга Уһук Илиҥҥэ бастакы бырайыага буолар. Балаҕан ыйыгар баартыйа генеральнай сэбиэтин сэкирэтээрэ Андрей Турчак эбийиэккэ кэлэн сылдьан, билсибитэ.
«Саҥа оскуола» бырайыагынан үлэ барар. Былырыын Саха сирэ оскуолалары тутууга уонна хапытаалынай өрөмүөҥҥэ 2,5 миллиард солкуобайы ылбыта. Онон, 2023 сылга 14 улууска 40 эбийиэк өрөмүөннэммитэ.
Владимир Путин көҕүлээбит «Куттала суох, хаачыстыбалаах суоллар» бырайыагы Дьокуускай куорат дууматын дьокутаата Феликс Романов куратордыыр. Былырыын киин куоракка 40 килэмиэтирдээх суол өрөмүөннэммитэ, быйыл 30 килэмиэтир оҥоһуллуоҕа. Нам, Покровскай аартыктара,»Халыма» федеральнай суол, о.д.а. оҥоһуллаллар.
«Бэйэҥ гиэнин тал» бырайыак куратора — «Көмүлүөк» хампаанньа салайааччыта Ольга Григорьева. Саха сиригэр «Сделано в Якутии» бренд регистрацияламмыта. Онон олохтоох ас-үөл, бородууксуйа элбииригэр баартыйа араас хабааннаах үлэни ыытар.
«Куорат эйгэтэ» бырайыак чэрчитинэн, Дьокуускайга Таалай күөл кытыла оҥоһуллубута, быйыл Гагарин искибиэрэ тупсарыллыаҕа, Сайсары күөл кытыла, Роман Дмитриев аатынан биэрэк таһынааҕы суол оҥоһуллуохтара. Улуустарга эмиэ үлэ ыытыллар.
«Оҕо спорда» бырайыакка куратор — дьокутаат Иван Данилов. Оҕо спордугар анал бырагыраама үлэлиир. Баартыйа көҕүлээһининэн, Саха сирэ оҕо-ыччат спордун туһунан сокуону ылыммыт бастакы эрэгийиэн буолар. Бу бырайыагынан спортивнай былаһааккалар тутуллаллар, оҕолор күрэхтэһиилэргэ кытталлар.
«Единая страна — доступная среда» бырайыакка доруобуйаларыгар хааччахтаах дьон кыһалҕаларын быһаараллар. Бырайыак куратора — «Строительнай» уокурук быраабатын салайааччы Андрей Петров.
— Саха сиригэр баартыйа атын бырайыактара эмиэ үлэлииллэр. Бу бырайыактар Владимир Путин көҕүлээбит национальнай бырайыактарын кытта ситимнээхтэр. Дойду бүддьүөтэ Госдуумаҕа бигэргэнэр, оттон дьокутааттар үксүлэрэ — баартыйа чилиэннэрэ. Онон баартыйа көҕүлээһиннэрэ өйөбүлү ылаллар, —— диэн Иван Луцкан кэпсээтэ.
«Биир ньыгыл Арассыыйа» баартыйа пресс-сулууспата
Бүгүн, атырдьах ыйын 30 күнүгэр, офтальмология өрөспүүбүлүкэтээҕи балыыһатын салаата – офтальмология Соҕуруу Саха сиринээҕи киинэ…
Өрөспүүбүлүкэ оскуолаларыгар үөрэх дьыла саҕаланара бу кэллэ. Үөрэхтэн, оскуолаттан сайын устата тэйэ быһыытыйбыт оҕолор саҥа…
Дьокуускайга бүгүн, атырдьах ыйын 30 күнүгэр, аан бастакытын 100 км сүүрүүгэ Арассыыйа чөмпүйэнээтэ ыытылынна. Дьахталларга…
Саха сиригэр 2025 сыл балаҕан ыйын 1 күнүттэн 629 уопсай үөрэхтээһин тэрилтэтэ үлэтин саҕалыаҕа. 152…
Арассыыйаҕа, ол иһигэр Саха Өрөспүүбүлүкэтигэр, социальнай өттүнэн харысхала суох нэһилиэнньэни өйөөһүн — судаарыстыба сүрүн соруктарыттан биирдэстэрэ.…
Дьокуускай куоракка полиция 1 отделын дьуһуурунай чааһыгар чааһынай дьиэтиттэн малын-салын уордарбыт олохтоох киһиттэн сайабылыанньа киирбит.…