«Биир ньыгыл Арассыыйа» баартыйа төрүттэммит күнүн көрсө «Хорсун санаа хоруопката» аахсыйа тэрийдилэр

 «Биир ньыгыл Арассыыйа» Саха сиринээҕи салаатын отделениетын сэкирэтээрдэрэ баартыйа төрүттэммитэ 24 сылын туолуутун чиэһигэр, ыарахан балаһыанньаҕа түбэспит оҕолору өйүүргэ уонна үтүө дьыаланы оҥорорго холбостулар.

«Хорсун санаа хоруопката» аахсыйа чэрчитинэн бэлэхтэри, оонньуурдары уонна наадалаах маллары хомуйдулар. Бу бэлэхтэр оҕолор сүргэлэрин көтөҕүө уонна үөрүүнү бэлэхтиэ. Маннык үтүө санаа аахсыйата бырааһынньыкка эҕэрдэлээһин эрэ буолбакка, өйөбүлгэ ордук наадыйар дьоҥҥо болҕомтону көрдөрөр кыах буолар диэн «Биир ньыгыл Арассыыйа» баартыйа пресс-сулууспата иһитиннэрэр.