«Биир ньыгыл Арассыыйа» баартыйаны өйөөччүлэр сомоҕолоһорго ыҥырдылар

Share

Кулун тутар 10 күнүгэр Дьокуускай куоракка Уопсастыбаннай кииҥҥэ «Биир ньыгыл Арассыыйа» баартыйаны өйөөччүлэр пуорумнара саҕаланна. Пуорум официальнай чааһыгар «Биир ньыгыл Арассыыйа» баартыйа Саха сиринээҕи салаатын сэкирэтээрэ, Саха Өрөспүүбүлүкэтин Баһылыга Айсен Николаев кытынна.

«Биир ньыгыл Арассыыйа» баартыйа бүгүҥҥү тэрээһинигэр Ил Түмэн дьокутааттара, тэрилтэлэр салайааччылара, түмсүүлэр лиидэрдэрэ, актыбыыс ыччаттар кытыннылар.
Ил Дархан Айсен Николаев пуоруму аһар киирии тылыгар «Мин бүгүн махтаныахпын баҕарабын байыаннай дьайыыларга сылдьар байыаннай сулууспалаахтарбыт ийэлэригэр. Итини сэргэ күннэри-түүннэри байыаннай сулууспалаахтарбытыгар, госпиталга сытар байыастарбытыгар көмөлөһө сылдьар волонтердарга.
Арассыыйа саҥа эрэгийиэннэригэр тиийэн үлэлии сылдьар медиктэрбитигэр улахан махталбын тириэрдэбин. Махталбын биллэрэбин учууталларга, кинилэр ыччаттарбытын патриотическай тыыҥҥа иитэ сылдьалларын иһин. Биллэн турар, төрөппүттэргэ махталбыт муҥура суох, кинилэр уолаттарбытын дьоһуннаахтык иитэннэр, Аҕа дойдуларын чиэстээхтик көмүскүү сылдьалларыгар. Биһиги биир сыаллаахпыт — кыайыы! Биһиги хапытаалбыт — дьон. «Биир ньыгыл Арассыыйа» баартыйа билиҥҥи сүрүн соруга — байыаннай дьайыыларга сылдьар байыаннай сулууспалаахтарбыт дьиэ кэргэттэрин болҕомтоҕо ылыы уонна көмөлөһүү», — диэтэ Ил Дархан Айсен Николаев.

Ааптар хаартыскаҕа түһэриилэрэ.

Кини бу судургута суох кэмҥэ түмсүүлээх буоларга, праймеризка чиэһинэйдик кыттарга, былаас баартыйатын чилиэннэрэ буолалларын бэлиэтээн туран, быыбарга дьоһуннаахтык кыттарга ыҥырда.
Ил Түмэн спикерэ Алексей Еремеев Судаарыстыбаннай Мунньах улахан аҥара былаас баартыйатын -«Биир ньыгыл Арассыыйа» баартыйатын чилиэннэрэ буолалларын бэлиэтээтэ. «Билигин биһиэхэ планка баар буолуохтаах, куһаҕан буолбакка, үчүгэй түмүгү көрдөрүөхтээхпит. 2030 с диэри улахан соруктар тураллар, онон Айсен Николаевы өйүөххэ. Быыбарга баартыйа састааба бастыҥнартан талыллыахтаах», — диэн эттэ.
«Боотур» доброволецтар этэрээттэрин хамандыыра Александр Колесов: «Сылтан ордук кэмҥэ биһиги дойдубут улахан тургутугу ааһар. Биһиги 100 киһи байыаннай дьайыыларга киирбиппит, өлүү да, сүтүү да элбэҕэ. Билигин Саха сириттэн 4 тыһыынчаттан тахса уолаттарбыт байыаннай дьайыыларга чиэстээхтик кытта сылдьаллар. Биир сомоҕо буолан, дойдубут иһин үлэлиэххэ-хамсыахха. Кыайыы биһиги туспутугар!«, — диэн күүстээх тылларынан түмүктээтэ.

Recent Posts

  • Сонуннар
  • Уопсастыба

Алексей Колодезников уһуйааччы быһыытынан «Саха сирэ — дьоруойдар дойдулара» бырагыраамаҕа

Бырагыраама уопсастыбаннай сэбиэтин чилиэнэ, "Сахатранснефтегаз" АУо генеральнай дириэктэрэ Алексей Колодезников "Саха сирэ -- дьоруойдар дойдулара"…

9 минут ago
  • Сонуннар
  • Уопсастыба

АЛРОСА экологтара “Зелёный проект 2.0” грант куонкуруһугар сайаапкалары хомуйаллар

АЛРОСА Экологияҕа киинэ “Живые алмазы Якутии” паарканы тупсаран оҥорон эрэгийиэннээҕи бырайыактар граннарын куонкуруһа саҕаламмытын иһитиннэрэр.…

19 минут ago
  • Сонуннар
  • Уопсастыба

Пилота суох көтөр аппарааттар көмөлөрүнэн ойууру кэтээн көрүү күүһүрдүллэр

Саха сиригэр  пилота суох, тепловизордаах  35 аппараат көмөтүнэн ойууру кэтээн көрүүнү күүһүрдэллэр. Саха сиригэр ойууру кэтээн көрөргө…

39 минут ago
  • Байыаннай эпэрээссийэ
  • Сонуннар
  • Хаартыска/Видео

«Сэмсэ тыл»: Арассыыйаҕа ким көмөлөһөрүй?

Арҕааҥҥылар Украинаҕа быһаччы көмөлөһөр эбит буоллахтарына, биһиэхэ да син илии уунар ыаллыы дойдулаахпыт.

41 минута ago
  • Быһылаан
  • Бэрээдэк
  • Сонуннар

Дьуһуурунай борокуруор: күүһүлээһин, түөкүттэр угаайылара, баһаар

Ааспыт сууккаҕа Саха сиригэр түөрт буруйу оҥоруу тахсыбыта бэлиэтэммит. Бу туһунан СӨ Борокуратууратын пресс-сулууспата суруйар.…

1 час ago
  • Быһылаан
  • Бэрээдэк
  • Сонуннар

Бэлисипиэттэри уоран тутуллубут

Дьокуускайга 1 №-дээх полиция отделыгар икки киһи бэлисипиэттэрин уордарбыттарын туһунан сайабылыанньа суруйбуттар. Холуобунай ирдэбил үлэһиттэрэ…

1 час ago