«Эдэр гвардия» чилиэннэрэ итиэннэ устудьуон ыччаттар хамсааһыннарын бэрэстэбиитэллэрэ өрөспүүбүлүкэ уопсастыбаннай уонна бэлитиичэскэй олоҕор көхтөөхтүк кытталлар.
Барыллааһын куоластааһыҥҥа кытта сылдьар чаҕылхай ыччаттарбытын – «Биир ньыгыл Арассыыйа» баартыйа МГЕР федеральнай сүрүннээччитин Василий Попову, Алдан куоратыттан Никита Герасимовы уонна ХИФУ идэлээх сойууһун бастакы солбуйааччытын Александра Максимованы бэлиэтиир тоҕоостоох.
«Биир ньыгыл Арассыыйа» баартыйа МГЕР федеральнай сүрүннээччитэ Василий Попов ааспыт сылтан волонтердары кытары ДНР уонна ЛНР олохтоохторугар көмөлөһө сылдьар. Нэдиэлэ анараа өттүгэр кини хамаандата Донбаска гуманитарнай көмө илдьэ барбыта. Командировкаҕа барыан иннинэ кини барыллааһын куоластааһыҥҥа кыттарга кандидатуратын туруорбута.
Александра Максимова хамаандатын кытары ХИФУ устудьуоннарын идэлээх сойууһун социальнай сүрүн хайысхаларын олоххо киллэрэ сылдьар. Кинилэр көмөлөрүнэн университекка сарсыардааҥы босхо аһааһын баар буолла уонна граннарга кыттааччылары өйүүр бырайыактыыр офис тэрилиннэ.
Оттон Никита Герасимов успуорт араас көрүҥнэригэр күрэхтэһиилэри уонна оҕолорго эбии үөрэхтээһини тэрийэр. Кини көҕүлээһининэн, сыл аайы, аҕатын, Андрей Герасимов кэриэһигэр хоккей турнира ыытыллар. Итини таһынан Никита «Кубок Витязя» оҕо мини-футболун эрэгийиэннэр икки ардыларынааҕы күрэҕин тэрийээччитинэн биллэр.
Урут сууттана сылдьыбыт Дьокуускай олохтооҕо пневматическай бинтиэпкэни, бэстилиэти уонна унтууну кыбартыыраттан уоран тутулунна. Бу туһунан…
Ыраастааһын Сылгы сиэлин сэлээн баран, биир да мутуга суох ыраас синньигэс талаҕынан эбэтэр маһынан тэбиибит,…
«Аҕа дойдуну көмүскээччилэр» пуонда көмөтүнэн, байыаннай эпэрээссийэ бэтэрээннэрэ оҕолору уонна ыччаты патриотическай иитиигэ көхтөөхтүк кытталлар.…
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …