«Биир ньыгыл Арассыыйа» кэмпириэнсийэтэ буолла

Бэс ыйын 29 күнүгэр «Биир ньыгыл Арассыыйа» баартыйа Саха сиринээҕи салаатын чилиэннэрэ кэмпириэнсийэ ыыттылар.

Кэмпириэнсийэ кэмигэр кистэлэҥ куоластааһын ньыматынан балаҕан ыйын 10 күнүгэр буолуохтаах Ил Түмэҥҥэ быыбарга хандьыдааттары анаатылар. Өрөспүүбүлүкэ Ил Дархана, баартыйа эрэгийиэнннээҕи салаатын сэкирэтээрэ Айсен Николаев бэйэтин этиитигэр Саха сирэ бүгүн бүтүн Арассыыйаны кытта уустук кэмнэри ааһан эрэрин эттэ, маннык кэмнэргэ «Биир ньыгыл Арассыыйа» норуоту сомоҕолуур күүс буолуохтааҕын санатта.