«Биир ньыгыллар» — субуотунньукка

«Биир ньыгыл Арассыыйа» баартыйа «Чистая страна» федеральнай бырайыагын чэрчитинэн дойду үрдүнэн субуотунньуктар бара тураллар.

Саха сиригэр эмиэ бырайыак чэрчитинэн улуустар аайы ырааһырдыы үлэлэрэ ыытыллаллар. Ол курдук бэҕэһээ Ленскэй куоракка АО «Сахатранснефтегаз» АУо уонна «Якутскэнерго» хампаанньа кэлэктииптэрэ Николай Майоров уонна Алексей Югансон салалталарынан тапталлаах куораттарын ыраастаатылар.

Суботунньук кыттыылаахтара дьон сөбүлээн сылдьар, күүлэйдиир дуоһуйа сынньанар кытылын, «Кедр» учаастагыттан «Речпорт» учаастагар диэри хомуйдулар, ыраастаатылар.

Бу икки салайааччы «Биир ньыгыл Арассыыйа» баартыйаттан барыллаан куоластааһыҥҥа кандидаттар.