Хаартыска: SakhaGov
Ааспыт сууккаҕа космостан уонна авиационнай кэтээн көрүү түмүгүнэн, Бүлүү улууһугар 4 гаа иэннээх сиргэ биир ойуур баһаара баара биллибит. Ойуур баһаарынай сулууспаларын уонна олохтоох нэһилиэнньэ волонтердарын түргэн уонна ситимнээх дьаһалларын көмөтүнэн, баһаар бохсулунна. Бу туһунан СӨ Суһал ыстааба иһитиннэрдэ.
От ыйын 12 күнүгэр 13 сөмөлүөт Горнай, Үөһээ Бүлүү, Ленскэй, Бүлүү, Мииринэй, Ньурба, Олүөхүмэ, Сунтаар, Уус-Маайа, Нам, Мэҥэ Хаҥалас, Уус-Алдан улуустарынан уонна Дьокуускай эргин көтөн, сири-уоту көрүөхтэрэ.
Сайын саҕаланыаҕыттан 62 964,55 гаа иэннээх сиргэ 342 айылҕа баһаарын умуруордулар, ол иһигэр уопсайа 56 488,55 гаа иэннээх ойуур пуондатын сирдэригэр 157 ойуур баһаара турбут.
Айылҕа баһаарын күөдьүппүт барыта 65 буруйдаах быһаарылынна, ойуурга баһаартан куттал суох буолуутун быраабылаларын кэһии иһин 136 боротокуол оҥоһулунна.
Баһаар сезона саҕаланыаҕыттан 56488,55 гаа иэннээх ойуур пуондатын сирдэригэр 157 ойуур баһаара, 6477 гаа иэннээх атын категориялаах сирдэргэ 185 ландшафтнай (айылҕа) баһаара бэлиэтэннэ. Тэҥнээн көрдөххө, былырыыҥҥы ити кэмҥэ уопсайа 1 497 019,3 гаа иэннээх сиргэ 636 ойуур баһаара, уопсайа 22 565,84 гаа иэннээх сиргэ 37 ландшафтнай (айылҕа) баһаара турбут.
Айылҕа баһаара тахсыбыт түгэнигэр Суһал ыстаап тута Эрэгийиэннээҕи ойуур хаһаайыстыбатын диспетчерскэй сулууспатыгар 7-4112-44-74-76 нүөмэргэ уонна ойуур харыстабылын нүөмэригэр 8-800-100-94-00 эрийэллэригэр ыҥырар.
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова «Кыыс кыһалҕата» кэпсээнин…
Таатта улууһун И.В. Николаев аатынан Харбалаахтааҕы норуот айымньытын дьиэтигэр Ийэ-тыл уонна сурук-бичик күнүнэн «Омук күүһэ…
Бу күннэргэ Саха сирин киин куоратыгар Дьокуускайга аан бастаан художественнай гимнастикаҕа Уһук Илиҥҥи федеральнай уокурукка…
Кэнники кэмҥэ дьон өбүгэлэрин, төрүттэрин үөрэтэ, билэ сатыыр буолла. Ол эрээри, үгүстэр туохтан саҕалыылларын, архыыпка…
Дьокуускайдааҕы куорат суута бэлиитик Афанасий Максимовы административнай сокуону кэһиигэ буруйдааҕынан билиммит. Ол курдук, суут быһаарыытынан,…
Атамай нэһилиэгин "Ситим" кэмиэрчэскэйэ суох тэрилтэтэ Тимченко пуондатын үс төгүллээх кыайыылааҕа буолла. "Сэлиэнньэ - оҕолорго,…