Биир суукка иһигэр түөрт ойуур баһаарын умуллардылар

Саха Өрөспүүбүлүкэтин суһал ыстаап иһитиннэрбитинэн, ааспыт сууккаҕа Саха сиригэр түөрт ойуур баһаарын умуллардылар.

Ол эбэтэр, 114,5 гаа уопсай иэннээх 3 ойуур баһаара уонна 170 гаа иэннээх ландшафтнай баһаардар суох оҥоһулуннулар. Космическай уонна авиационнай мониторинг түмүгүнэн, ааспыт сууккаҕа 15,5 гаа иэннээх ойуур 2 баһаара баара бэлиэтэннэ.

Бэс ыйын 12 күнүн сарсыардатын туругунан, Дьааҥы, Кэбээйи, Томпо уонна Уус Маайа улуустарыгар 1 671,5 гаа уопсай иэннээх 5 ойуур баһаара баар. Нэһилиэнньэлээх пууннарга куттал суоһаабат.
Баһаары умулларарга 73 киһи үлэлиир.

Баһаар кутталын кэмэ саҕаланыаҕыттан ыла Саха сиригэр 316 ойуур баһаара бохсулунна.
Бэс ыйын 5 күнүттэн өрөспүүбүлүкэ сиригэр-уотугар баһаары утары ураты эрэһиим олохтоммута. Маннык эрэһиим эбии Дьааҥы, Уус Алдан, Өлүөхүмэ уонна Эбээн Бытантай улуустарыгар, Дьокуускайга уонна Жатай уокуругар киллэриллибитэ.

СӨ Ил Дарханын уонна бырабыыталыстыбатын пресс-сулууспата