Биир уопсайга олорор уолуттан ноутбугун уорбут

Дьокуускайга полиция 2 нүөмэрдээх отделыгар ноутбугун уордарбыт биир үөрэх кыһатын устудьуонуттан сайабылыанньа киирбит.

Ол курдук устудьуонтан кимэ биллибэт киһи 74 тыһ. солк. ноутбугу  уопсай дьиэ  хоһуттан уоран барбыт.

Холуобунай ирдэбил үлэһиттэрэ бу уорууга уорбаланааччы ким буоларын быһаарбыттар. Ол курдук устудьуону кытта биир уопсайга олорор 21 саастаах уол,  хоско ким да суоҕун туһанан,  ноутбугу уорбут.  Итиэннэ тиэхиньикэни атыылаан баран, харчытын спортивнай ставкаҕа ууран оонньообут.

Билигин 21 саастаах уолга РФ ХК 158 ыст. 2 чааһынан холуобунай дьыала көбүтүллүбүт.