Биирдэ бэриллэр босуобуйа кээмэйэ төһөнүй?

Оҕо төрөөтөҕүнэ, биирдэ бэриллэр босуобуйаны ханнык баҕарар ыал ылар кыахтаах. Бу туһунан Социальнай пуонда Саха сирнээҕи салаата иһитиннэрэр.

Оҕо төрөөтөҕүнэ, маннык босуобуйаны дьиэ кэргэн дохуотуттан, хаһыс оҕонон төрөөбүтүттэн тутулуга суох, бары ылаллар.

Саха сиригэр биирдэ бэриллэр босуобуйа суумата — 37 718 солкуобайтан 53 883 солкуобайга диэри (оройуоннай коэффициентан тутулуктаах). 

Үлэлиир төрөппүттэр төлөбүрү сайабылыанньата суох, үлэни биэрээччи нөҥүө ылаллар. Иккиэн үлэлиир буоллахтарына, ийэтиг счетугар түһэрэллэр.

Үлэлээбэт төрөппүттэр сайабылыанньа суруйуохтарын наада: «Госуслуги» портал нөҥүө, эбэтэр, Социальнай пуонда килийиэннэрин сулууспатыгар баран.

Сайабылыанньаны оҕо 6 ыйын туолуор диэри бэриллиэхтээх. Бу кэми куоттардахха, төлөммөт.

Хас да игирэ оҕо төрөөтөҕүнэ, хас биирдиилэригэр  бэриллэр.

Харчы 10 үлэ күнүн иһинэн түһүөхтээх — үлэлиир төрөппүттэргэ ЗАГС-ка регистрация кэнниттэн, үлэлээбэт төрөппүттэргэ — Социальнай пуондаҕа сайабылыанньа суруллубутун кэнниттэн.